საქართველო, 24 თებერვალი, საქინფორმი. რუსეთში აშშ-ის ყოფილი ელჩი მაიკლ მაკფოლი აშშ-ის ხელისუფლებას საქართველოში ბერკეტების გამოყენებისკენ მოუწოდებს.

შესაბამისი განცხადება სტენფორდის უნივერსიტეტის საერთაშორისო კვლევების ინსტიტუტის დირექტორმა, მაიკლ მაკფოლმა სოციალურ ქსელ „ტვიტერში“ გაავრცელა.

„ღრმად შეშფოთებული“ ნორმალურია დასაწყისისთვის, მაგრამ მხოლოდ დასაწყისისთვის. რუსეთისგან, ჩინეთისგან ან ბელარუსისგან განსხვავებით, აშშ-ს საქართველოში რეალური ბერკეტები აქვს. ახლა მისი გამოყენების დროა, ვიდრე ძალიან გვიან იქნება“, – აცხადებს მაკფოლი.