აქტუალური
„ერთიანი ნაციონალური მოძრაობა“ პარტიის თავმჯდომარეს ელექტრონულად აირჩევს

 საქართველო, 22 დეკემბერი, საქინფორმი. „ერთიანი ნაციონალური მოძრაობა“ პარტიის თავმჯდომარეს ელექტრონული მეთოდით აირჩევს.

როგორც პარტიის ფეისბუქგვერდზეა აღნიშნული, 14:00 სთ-ზე გამოქვეყნდება არჩევნებში მონაწილეობის წესი და დაიწყება კენჭისყრა, რომელიც 25 დეკემბრის 21:00 სთ-მდე გაგრძელდება.

„ერთიანი ნაციონალური მოძრაობა“ დემოკრატიული მმართველობის უპრეცედენტო მექანიზმის დანერგვას იწყებს. გამჭვირვალობის, ანგარიშვალდებულების, მოქალაქეების მონაწილეობისა და აქტიური ჩართულობის გაძლიერების მიზნით, პოლიტიკურმა საბჭომ მიიღო გადაწყვეტილება, დანერგოს პარტიის თავმჯდომარის შერჩევის თანამედროვე, ელექტრონული მეთოდი, რათა ათი ათასობით ჩვენმა მოქალაქემ, თავისი მონაწილეობით, მნიშვნელოვანი როლი შეასრულოს ამ პროცესში.

პარტიის თავმჯდომარედ ორი კანდიდატია წარდგენილი – ნიკა მელია და ლევან ვარშალომიძე.

ხმის მიცემის პროცესში მონაწილეობის მიღება შეუძლიათ „ერთიანი ნაციონალური მოძრაობის“ წევრებს, მხარდამჭერებსა და გულშემატკივრებს. ყალბი გვერდები და ე.წ. ბოტები ვერ მიიღებენ დასტურს კენჭისყრაში მონაწილეობის მისაღებად.

კენჭისყრა 25 დეკემბრის 21:00 სთ-მდე გაგრძელდება“,- აღნიშნულია პარტიის ფეისბუქგვერდზე.