აღდგომის ბრწყინვალე დღესასწაულს საკუთარ სახლებში 100-ზე მეტი შეწყალებული პატიმარი შეხვდება, მათ შორის – 7 ქალი და ერთი არასრულწლოვანი. შესაწყალებელ პატიმართა სია პრეზიდენტს უახლოეს დღეებში გადაეგზავნება.

შეწყალების კომისიამ 324 მსჯავრდებულის საქმე განიხილა და საბოლოოდ დადებითი რეკომენდაცია დაახლოებით ერთ მესამედზე გასცა. იმ პატიმრების უმრავლესობა, ვინც კომისიის სიაში მოხვდა, ნარკოტიკების მოხმარებისთვის იხდის სასჯელს. აღსანიშნავია, რომ მიმდინარე კვირას პრეზიდენტს შესაწყალებელ პატიმართა დამატებით სიას საპატრიარქოც გადაუგზავნის.

რეკომენდატორთა განცხადებით, პატიმართა შერჩევის ძირითადი კრიტერიუმი დანაშაულის სიმძიმე, ასევე, ოჯახური და ჯანმრთელობის მდგომარეობაა.