სააკაშვილის ბლოკში "ძალა - ერთობაშია" გაერთიანებულმა ქართველი და აზერბაიჯანელი ეროვნების პროვოკატორთა ჯგუფმა წამოიწყო “ქართული ოცნების“ ხელისუფლების დამხობის კიევში დაწერილი სცენარის განხორციელება, რომელშიც გათვალისწინებულია გეგმა " ბ ”- ავტონომიის გამოცხადება აზერბაიჯანელებით მჭიდროდ დასახლებული ქვემო ქართლის რეგიონის ტერიტორიის ნაწილზე (რის საფუძველზე ერევა უკრაინის მოქალაქე და უკრაინის ხელისუფლების წარმომადგენელი საქართველოს საშინაო საქმეებში, უკრაინის ხელმძღვანელობას უნდა ვკითხოთ).

მრავალეროვანი საქართველოსგან ოდინდელი ქართული მიწების მოწყვეტა, სადაც კომპაქტურად ცხოვრობენ არაქართული ეროვნების მოქალაქეები, და მათი დამოუკიდებელ რესპუბლიკებად მეზობელი სახელმწიფოების სასარგებლოდ გამოცხადება სააკაშვილისა და მისი ჯგუფის სავიზიტო ბარათია. ასე გადაეცა რუსეთს 2008 წელს აფხაზეთი და სამააბლო, ხოლო 2014 წელს, საქართველოდან უკრაინაში სააკაშვილისა და მისი ჯგუფის იძულებითი გაქცევის შემდეგ, რუსეთს ყირიმი და დონბასი გადაეცა.

ახლა სააკაშვილი საქართველოში დაბრუნებასა და იმ მისიის დასრულებას აპირებს, რომლის განხორციელებაც ვერ მოასწრო 2012 წელს "ქართული ოცნების" ხელისუფლებაში მოსვლის გამო, კერძოდ: ქვემო ქართლის ნაწილის – აზერბაიჯანისთვის და სამცხე ჯავახეთის ნაწილის სომხეთისთვის გადაცემა. მისია შესტულებულია - საქართველოს ჩამოეჭრა არაქართველებით მჭიდროდ დასახლებული ოთხივე რეგიონი - აფხაზეთი, სამხრეთ ოსეთი, ქვემო ქართლის და სამცხე ჯავახეთის ნაწილი.

ქვემო ქართლი და სამცხე ჯავახეთი არ ესაზღვრება რუსეთის ფედერაციას და არ აქვთ შავ ზღვაზე გასასვლელი, ამიტომ არც რუსეთი და არც ნატო ამის დიდად წინააღმდეგი არ იქნება, პირიქით: თუ თვითგამოცხადებული რესპუბლიკები მოიპოვებენ საერთაშორისო აღიარებას ან/და შევლენ საქართველოს მოსაზღვრე სახელმწიფოების – აზერბაიჯანელებისა და სომხების ისტორიული სამშობლოს შემადგენლობაში, არანაირი საფუძველი აღარ დარჩება საქართველო ნატოში არ მიიღონ. რუსეთი კი მოხარულიც იქნება, თუ მისი პარტნიორები - სომხეთი და აზერბაიჯანი - მიიღებენ ახალ ტერიტორიებს, რაც მთიანი ყარაბაღის მიმართ მათი ორმხრივი პრეტენზიების კომპენსაციად იქცევა. თუ ქართული სამართალდამცავი ორგანოები სასწრაფოდ არ აღკვეთენ ნაციონალ–პროვოკატორთა ანტისახელმწიფოებრივ ქმედებებს და მართლაც დაიწყება საქართველოს გაყოფა, მაშინ ჩვენი მეოთხე მეზობელიც - თურქეთი - არ დარჩება ამ პროცესის მიმართ და თავის „წილს“ მოგვთხოვს (აჭარას, ყარსის ხელშეკრულების დენონსირების საფუძველზე).

   როგორც 24 სექტემბერს გაირკვა, მეზობლებისთვის ქართული მიწების გადაცემა სააკაშვილმა ჯერ კიდევ 2008 წლის აგვისტოს ავანტიურამდე დაიწყო - საქართველოს გენერალურმა პროკურატურამ დაიწყო 2006-2007 წლებში საქართველო-აზერბაიჯანის საზღვრის დემარკაციის სამთავრობო კომისიის საქმიანობის გამოძიება, საქართველოსა და აზერბაიჯანს შორის მდებარე მე -6 საუკუნის დავით გარეჯის სამონასტრო კომპლექსთან დაკავშირებულ ახალ კარტოგრაფიულ მასალებსა და დოკუმენტებზე დაყრდნობით. ახალი ინფორმაციის საფუძველზე ირკვევა, რომ აზერბაიჯანულ მხარესთან უმეტესი მონაკვეთი შეთანხმდა უკანონოდ, საქართველოს ტერიტორიული ინტერესების საზიანოდ. გენერალური პროკურატურა ხაზს უსვამს, რომ სისხლის სამართლის საქმე აღძრა საქართველოს სისხლის სამართლის კოდექსის 308-ე მუხლის პირველი ნაწილით გათვალისწინებული დანაშაულის საფუძველზე*. მაშინაც და დღეს სააკაშვილი ხელმძღვანელობს არა მარტო პოლიტიკური მოტივებით (არჩევნებში ადგილობრივი აზერბაიჯანელების ხმების მოპოვება), არამედ მერკანტილური ინტერესებით - ყიდის საქართველოს ტერიტორიებს დიდი ფულის სანაცვლოდ.

   მოვლენების ქვემოთ მოყვანილი ქრონოლოგია ადასტურებს, რომ განზრახ გამძაფრებული დაძაბულობა ქართველებსა და აზერბაიჯანელებს შორის იმართება ერთი ცენტრიდან (კიევი, სააკაშვილი) და ამას ახორციელებენ სააკაშვილის თანაპარტიელები და ტელევიზიები, ადგილობრივი არასამთავრობო ორგანიზაციები და ქვემო ქართლში აზერბაიჯანელი ეროვნების არაფორმალური “ავტორიტეტები“:

- აზერბაიჯანელი მესაზღვრეების მიერ საქართველოს ტერიტორიის დავით გარეჯის კომპლექსში შესასვლელის დაკეტვა მომლოცველთა, ტურისტებისა და სხვა მოქალაქეებისთვის;

- მარნეულში ნარიმან ნარიმანოვის ძეგლის რესტავარაციის გამო გამოწვეული ისტერია;

–სკანდალი "საქართველოს ტერიტორიის გავლით სომხეთისთვის სამხედრო ტექნიკის მიწოდების" გამო, რომლის ტირაჟირება სააკაშვილისა და მისი თანამოაზრეების ტელეკომპანიები ("მთავარი არხი", "ფორმულა", "პირველი", "კავკასია" და სხვ.) მოახდინეს. სამარცხვინო ფეიკნიუსი თავად აზერბაიჯანის პრეზიდენტმა ილჰამ ალიევმა უარყო, რომელმაც მადლობა გადაუხადა საქართველოს ასეთი ფაქტების დაუშვებლობისთვის;

- სააკაშვილის განცხადება სომხეთ-აზერბაიჯანის კონფლიქტის უპრეცედენტო ფართომასშტაბიანი აფეთქებიდან მეორე დღეს - "მთიანი ყარაბაღი აზერბაიჯანის სუვერენული ტერიტორიაა", რასაც მოჰყვა მასობრივი ფიზიკური შეტაკებები ქვემო ქართლში, სააკაშვილის ზემოხსენებული აქტივისტების ორგანიზებით. მიუხედავად იმისა, რომ ძირითადათ დაშავდნენ „ოცნების“ ადგილობრივი მხარდამჭერები, ტელეკომპანიებმა, რომლებიც სააკაშვილის ბლოკს ემსახურებიან, ყველა ამ იციდენტს „ოპოზიციისა და ჟურნალისტების ტერორის“ კვალიფიკაცია მიანიჭეს. ანუ ხელისუფლების მიერ ”წმიდათაწმიდას” - ადამიანის უფლებებისა და სიტყვის თავისუფლების ხელყოფა, რამაც გამოიწვია დასავლეთის დიპმისიების, განსაკუთრებით აშშ-სა და ევროკავშირის ელჩების ”აღშფოთება”.

- საქართველოს პარლამენტის ორი წევრის, ეთნიკური აზერბაიჯანელების რუსლან გაჯიევისა და აზერ სულეიმანოვის განცხადებები, რომლებმაც გამოხატეს "პრეზიდენტ ალიევის წარმატებული ანტიტერორისტული ოპერაციის" მხარდაჭერა და იმედი გამოთქვეს, რომ "აზერბაიჯანის ტერიტორიული მთლიანობის აღდგენას მალე მოჰყვება საქართველოს ტერიტორიული მთლიანობის აღდგენა". კერძოდ, სულეიმანოვმა გამოაქვეყნა ვრცელი მიმართვა აზერბაიჯანის პრეზიდენტისადმი, სადაც მიესალმა მის" პოლიტიკასა და აზერბაიჯანის მიერ განხორციელებულ სამხედრო მოქმედებებს" და წამოცდა, რომ „ჯერ კიდევ ივლისიდან ელოდებოდნენ დიდი ომის დაწყებას ", და რომ “ეთნიკური აზერბაიჯანელები საქართველოში, რომლებიც ნებაყოფლობით მონაწილეობდნენ ყარაბაღისა და აფხაზეთის ომებში 1990-იან წლებში, ახლაც მზად არიან აღადგინონ აზერბაიჯანისა და საქართველოს ტერიტორიული მთლიანობა”.

   რა უფლებით საქართველოს პარლამენტარები ოფიციალურად მიმართეს არა კოლეგებს აზერბაიჯანის მილი მეჯლისში, არამედ პირდაპირ პრეზიდენ ალიევს?! რა კვალიფიკაცია მივცეთ საქართველოს უმაღლესი საკანონმდებლო ორგანოს ორი წევრის განცხადებებს, თუ არა საქართველოში ეთნიკური შუღლის გაღვივება და საქართველოს მოქალაქეების წაქეზება - ჩვენი ორი მოძმე ხალხის ომში ერთ მხარეზე ჩათრევის მცდელობა?! განა ეს დანაშაულები საქართველოს სისხლის სამართლის კოდექსით არ ისჯება?!

ეს აფხაზეთსა და სამაჩაბლოში განვითარებულ მოვლენებთან შეუსაბამო პარალელი გაისმის პირველი შემთხვევა არ არის - რატომ არ მიაქცია ყურადღება საქართველოს ხელისუფლებამ პროპაგანდისტულ გზავნილს ”ორი ხალხი - ერთი ტკივილი”, რომელიც ბოლო პერიოდში აქტიურად გაჟღერდა ზოგიერთი აზერბაიჯანელი დიპლომატის პირით?! განა საქართველოს მთავრობამ მრავალჯერ არ დააფიქსირა თავისი პოზიცია ქართულ-აფხაზური და ქართულ-ოსური კონფლიქტების მხოლოდ მშვიდობიანი გზით მოგვარების თაობაზე?!

რატომ არ გამოხატეს პროტესტი ამ დემარშის საპასუხოდ საქართველოს პარლამენტის დეპუტატებმა, კერძოდ, ეთნიკურმა სომხებმა?! აფხაზეთისა და ე.წ. სამხრეთ ოსეთის "რესპუბლიკების" დამოუკიდებლობა, მთიანი ყარაბაღის „რესპუბლიკისგან“ განსხვავებით, რუსეთის ფედერაციამ აღიარა - მაშ, რისკენ მოუწოდებენ აზერბაიჯანული წარმოშობის პარლამენტარები საქართველოს ხელისუფლებას, თუ არა რუსეთთან დამღუპველი ომისკენ?! რატომ არ არიან ისინი აქამდე თუნდაც გამოკითხვაზე დაბარებული, და არ ჩამოერთვათ დეპუტატის იმუნიტეტი?

   დასასრულ, ჩვენს სამართალდამცავებს ვურჩევ, ყურადღება მიაქციონ იმ გარემოებას, რომ ნარკომოვაჭრეები - ქვემო ქართლში მცხოვრები ეთნიკური აზერბაიჯანელები, „ნაციონალური მოძრაობისა“ და მათი ლიდერის, ნარკოდამოკიდებული სააკაშვილის მომხრეები და სპონსორები არიან.

P.S. საქართველო ყოველთვის იყო და იქნება ჩვენი კავკასიელი ძმების - აქ მცხოვრები სომხებისა და აზერბაიჯანელების საყვარელი სამშობლო, ამიტომ სომხეთ-აზერბაიჯანის კონფლიქტში საქართველოს მარტო შუამავლობა, და არა მონაწილეობა შეუძლია. მიუხედავად იმისა, რომ აზერბაიჯანი საქართველოს უმნიშვნელოვანესი ეკონომიკური პარტნიორია.

საქინფორმის მთავარი რედაქტორი
არნო ხიდირბეგიშვილი

2020 წლის 1 ოქტომბერი
საქართველო, თბილისი

   *საქართველოს სისხლის სამართლის კოდექსის 308-ე მუხლის პირველი ნაწილი – "საქართველოს ტერიტორიული ხელშეუხებლობის დარღვევა", "ქმედებები საქართველოს წინააღმდეგ, რომლებიც მიზნად ისახავს უცხო სახელმწიფოსთვის საქართველოს მთლიანი ტერიტორიის ან მისი ნაწილის გადაცემას, ან მისი ნაწილის გამოყოფას საქართველოს ტერიტორიიდან". მუხლი ითვალისწინებს სასჯელის სახით თავისუფლების აღკვეთას 10-დან 15 წლამდე ვადით.