პოლიტიკა
გიორგი გახარია 29 სექტემბერს იენს სტოლტენბერგს შეხვდება
საქართველო, 25 სექტემბერი, საქინფორმი. საქართველოს პრემიერ-მინისტრი გიორგი გახარია ნატო-ს გენერალურ მდივანს შეხვდება.
ინფორმაციას ჩრდილოატლანტიკური ალიანსის პრესსამსახური ავრცელებს.
პრესრელიზის მიხედვით, იენს სტოლტენბერგი გიორგი გახარიას ბრიუსელში 29 სექტემბერს უმასპინძლებს, პრემიერთან ერთად ნატო-ს სათაო ოფისს საგარეო საქმეთა მინისტრი დავით ზალკალიანიც ეწვევა.
შეხვედრის შემდეგ მხარეების ერთობლივი განცხადებებიც არის დაგეგმილი.
