საქართველო, 26 აგვისტო, საქინფორმი. მიხეილ სააკაშვილის პიროვნება მსოფლიოში დიდი ხანია კარგად არის ცნობილი, თუმცა ეს ცნობადობაა ერთმნიშვნელოვანი სულაც არ არის. ძველი ევროპის ქვეყნების ლიდერებისათვის ის უწესო კაცია; აშშ უკვე 10 წელია მას უგულებელჰყოფს, ის კი არა პრეზიდენტ ტრამპის ინაუგურაციზეც არ შეუშვეს და არ გაუგრძელეს ვიზა, აიძულეს შეეწყვიტა "პედაგოგიური" საქმიანობა სტუდენტი გოგონების სექსუალური შევიწროების გამო და დაეტოვებინა ქვეყანა. რაც შეეხება მის "მეორე სამშობლოს" - უკრაინას, რომლის მოქალაქეცაა, უკვე მეორედ აზვირთდა მისი განდევნის მოთხოვნის ტალღა ქვეყნიდან, სადაც საკმაოდ ბევრი დააშავა, ოდესის ყოფილ გუბერნატორს დღეს ეშინია ოდესაში სტუმრობის, ოდესელების მტრული განწყობის გამო!

ხოლო მისი მეუღლის სამშობლოში, ნიდერლანდებში ყოფნა, ტიტების გახარება და დროდადრო, წითელი ფარნების ქუჩის მონახულება, პოლიტიკური რადარებიდან საბოლოოდ გაქრობას ნიშნავს, რაც სააკაშვილისთვის სიკვდილის ტოლფასია! ამიტომ, თავისი პიროვნებისადმი ყურადღების მიქცევის თვალსაზრისით, იგი უწინდებურად უკან ჩამოიტოვებს ბევრ პოლიტიკურ მოღვაწეს. საქართველოს მესამე პრეზიდენტის ექსპრესია და ექსცენტრიულობა უკვე ლეგენდად იქცა და რაც უფრო მოახლოვდა საქართველოში საპარლამენტო არჩევნები, მით მეტად აქტიურობს ახლა უკვე უკრაინელი ჩინოვნიკი.

თავის ერთ-ერთ ამასწინანდელ განცხადებაში სააკაშვილმა ბრძანა, რომ საქართველოში საპარლამენტო არჩევნების დროს ის "წინა ხაზზე" იქნება. ჯერჯერობით ბუნდოვანია, თუ როგორ აპირებს იგი სამშობლოში დაბრუნებას, იმ ფაქტის გათვალისწინებით, რომ 2014 წლიდან მის წინააღმდეგ აღძრულია სისხლის სამართლის საქმეების მთელი დასტა, მათ შორის – თანამდებობრივი უფლებამოსილებების გადაჭარბება, საბიუჯეტო სახსრების გაფლანგვა, დაკვეთილი მკვლელობები და ეს არ არის სააკაშვილის წინააღმდეგ წაყენებული ბრალდებების სრული სია საქართველოში. თუმცაღა, "სათავსოებში" ინახება ათეულობით საქმის მასალები, რომელთა აღძვრაცც დასავლელმა პარტნიორებმა აკრძალეს, მაგალითად, სამხედრო დანაშაული 2008 წლის აგვისტოში. რაც გასაგებია - „ძალიან ცხელა", ვინძლო, ძაფებმა მავან პირებამდე მიგვიყვანს აშშ-სა და უკრაინაში, მიშიკო ხომ საშინელი ლაჩარია და, ციხეში თუ მოხვდა, ყველას სხაპასხუპით ჩაუშვებს, ოღონდაც მისთვის ქაღალდისა და კალმების მიწოდება მოასწრონ!

ამის მიუხედავად, აშშ-ის საერთაშორისო რესპუბლიკური ინსტიტუტის (IRI) მიერ საქართველოში ჩატარებულმა ბოლოდროინდელმა გამოკითხვამ უჩვენა, რომ ამომრჩეველთა დაახლოებით 16% კვლავაც მზადაა მხარი დაუჭიროს სააკაშვილის პარტია „ერთიან ნაციონალურ მოძრაობას“ 2020 წლის 31 ოქტომბრის საპარლამენტო არჩევნებში.

   სააკაშვილთან ადრე დაახლოებული ენმ–ის არაერთი წევრი, რომლებსაც ფანატიზმმა ხელი არ შეუშალა ხელს, თუნდაც – დაგვიანებით, შეეფასებინათ მისი დანაშაულების მასშტაბი საქართველოსა და მისი ხალხის წინააღმდეგ, დღეს დატოვეს ექს–მმართველი პარტია, რომელსაც საქართველოში დიდი ხანია "სექტას" უწოდებენ. კერძოდ, გიორგი ვაშაძეს, რომელმაც საკუთარი პოლიტიკური ასოციაცია "ახალი საქართველო" დააფუძნა. სააკაშვილისთვის, რომელიც მიჩვეული იყო უდავო მორჩილებასა და მხარდაჭერას, ეს მძიმე დარტყმა იყო და არა მხოლოდ მის თავმოყვარეობაზე, რასაც მოწმობს სოციალურ ქსელებში ყოფილ მხარდამჭერებზე მუდმივი თავდასხმები.საქინფორმისთვის კარგად გათვითცნობიერებული წყაროებიდან ახალახან ცნობილი გახდა, რომ „ობშიაკის“ – რეჟიმის დროს ნაძარცვი „პარტიის ოქროს“ ორი მფლობელი - იუსტიციის და თავდაცვის ყოფილი მინისტრები ადეიშვილი და კეზერაშვილი, გააფრთხილეს, რომ ასობით მილიონი დოლარი და ევრო ამიერიდან ეკუთვნის არა მარტო სააკაშვილს, არამედ ყველას, ყოფილ თანამოაზრეებს, ვისაც საწევრო შეჰქონდა, და ვინც დღეს პარტიებად დაიქსაქსნენ. მაგრამ სააკაშვილი ფინანსურად უჭერს მხარს ნაციონალური მოძრაობის წევრებს, რომლებიც მისი ერთგულნი არიან და პარტიაში დარჩნენ, და რომლებიც შესაშური დაჟინებით უყვებიან ქართველ საზოგადოებას უკრაინაში მის მიერ ”მიღწეული” წარმატებების შესახებ, და მიანიშნებენ, რომ მსგავსი ”წარმატებები” ელოდება საქართველოს, თუ ექსპრეზიდენტი დაბრუნდება ხელისუფლებაში.

ამ დროს კი, თავისი პროვოკაციული განცხადებებით, სააკაშვილი მეთოდურად აფუჭებს საქართველოსა და უკრაინის ურთიერთობებს. მაგალითად, მისმა ამასწინანდელმა სკანდალურმა განცხადებამ „მსოფლიო რადარებიდან საქართველოს გაქრობის შესახებ“ დიდი რეზონანსი გამოიწვია თბილისისა და კიევის დიპლომატიურ წრეებში, ხოლო უკრაინის საგარეო საქმეთა სამინისტრო იძულებულიც კი გახდა ამ საკითხზე თავის გამამართლებელი კომენტარები გაეკეთებინა ვითარების შესარბილებლად.

   სააკაშვილი და მისი მომხრეები ენმ–დან აკრიტიკებენ მილიარდერ ბიძინა ივანიშვილსა და მის მიერ შექმნილ პარტია „ქართულ ოცნებას“, როგორც საქართველოს მთავარ უბედურებას. ქუჩის აქციებისა და პიკეტების გარდა ამჟამინდელი მთავრობის წინააღმდეგ, "ნაცმოძრაობის" აქტივისტებმა ბოიკოტი გამოუცხადეს კენჭისყრას საარჩევნო სისტემაში ცვლილებების შეტანის თაობაზე, და ამის მოტივად ქვეყანაში პოლიტპატიმრების ყოფნა მოიშველიეს, რომლებიც, სინამდვილეში, კრიმინალური ელემენტები აღმოჩნდნენ (იხ. საქინფორმის პუბლიკაციები გიორგი რურუასა და გიგი უგულავაზე). ამრიგად, საქართველოში ვითარების "რყევა" ხდება შიგნიდანაც და გარედანაც. თავისი სკანდალური მყვინთავებით, სააკაშვილი თავისი სკანდალური აქცენტებით ცდილობს თავის მხარეს გადაიბიროს გარე ძალები, რომლებიც დაინტერესებულნი არიან ქვეყნის ხელმძღვანელობის შეცვლით, ხოლო ენმ–ს აქტივისტები მართავენ უნებართვო აქციებს და ამჟამინდელ ხელისუფლებას პოლიტიკურად აშანტაჟებენ. ხოლო ის ფაქტი, რომ სააკაშვილზე მომუშავე სატელევიზიო არხების ყველა საინფორმაციო გამოშვება, რომლებიც ეროვნული ტრაგედიის რანგში აყვანილი კრიმინალური ქრონიკით იწყებენ, საკუთარ თავზე ბევრს მეტყველებს ...

გასაკვირიც არ არის - საქართველოში საყოველთაო ქაოსი ხელსაყრელია „ნაცმოძრაობისა“ და მისი ლიდერისთვის, რადგან სიტუაცია ნამდვილად არ არის მათთვის კეთილსაიმედო. მხოლოდ ქვეყანაში არსებული ვითარების დესტაბილიზაციის შედეგად შეიძლება სააკაშვილის "ნაცებმა" მიიღონ ძალაუფლების ხელში ჩაგდების შესაძლებლობის შანსი, როგორც ეს მოხდა 2003 წლის ნოემბერში "ხავერდოვანი" სახელმწიფო გადატრიალების შედეგად, სახელწოდებით "ვარდების რევოლუცია". ერთი შეხედვით, სააკაშვილის მოქმედებები პოზიორობა და აუდიტორიაზე თამაშია, მაგრამ ნუ დაგვავიწყდება, რომ ქვეყანაში მის იდეებს საკმარისი მიმდევრები ჰყავს, და ზოგი მათგანი ფანატიკური მარგინალი კი არა, არამედ ყველა "ჯოჯოხეთის წრეგავლილი" პოლიტიკოსები არიან, დიდი სტაჟითა და პროვოკაციის გამოცდილებით...

საქინფორმი