საქართველო, 27 ივლისი, საქინფორმი. 2020 წელი სამართლიანად შეიძლება ჩაითვალოს დიდი ძვრების წლად. დიდწილად ისინი გამოწვეულია COVID 19-ის პანდემიით. ექსპერტები მხოლოდ მსოფლიო ეკონომიკისთვის მიყენებული მთლიანი ზიანის გამოთვლებით არიან დაკავებული, თუმცა ყველანი თანხმდებიან, რომ შესაძლოა სიტუაცია კიდევ უფრო უარესი აღმოჩნდეს, ვიდრე 2008-2009 წლების მსოფლიო კრიზისის დროს. მინიმუმ 147 მილიონი ადამიანი დარჩა უმუშევარი საქონლისა და მომსახურების წარმოების მასიურად დახურვის გამო. ეროვნული შემოსავლის მკვეთრი შემცირების ფონზე, სახელმწიფოებს უწევთ არა მარტო ყველა სოციალური ვალდებულების შესრულება, არამედ საბიუჯეტო სახსრების გადანაწილება მოქალაქეებისა და კომპანიებისთვის დამატებითი სოციალური მხარდაჭერის სასარგებლოდ.

თავის მხრივ, საქართველოს მთავრობამ ჯერ კიდევ მარტში რიგი ნაბიჯები გადადგა ქვეყანაში ვირუსის გავრცელების შესაკავებლად. 18 მარტს საზღვრები დაიხურა უცხოელებისთვის, 20 მარტს ფრენები გაუქმდა, ხოლო 21 მარტს საერთოდ საგანგებო მდგომარეობა გამოცხადდა. მიუხედავად იმისა, რომ ამგვარმა შეზღუდვებმა მოსახლეობის ნაწილის უკმაყოფილება გამოიწვია, მაგრამ თავისი შედარებით დადებითი შედეგები გამოიღო: 100000 ადამიანზე დაავადებულთა რაოდენობით, საქართველოში ინფიცირებულთა რიცხვი 35 და 7-ჯერ ნაკლებია, ვიდრე სომხეთსა და აზერბაიჯანში შესაბამისად. ამასთან, საკარანტინო ზომებმა გამოიწვია ქვეყნის ეკონომიკის მკვეთრი ვარდნა. საქართველოს სტატისტიკის ეროვნული სამსახური იუწყება, რომ 2019 წლის ანალოგიურ პერიოდთან შედარებით, მშპ აპრილში შემცირდა 16.6% -ით, ხოლო მაისში 13.5% -ით. ოფიციალური პროგნოზი ასევე არ იძლევა სასიკეთო შედეგის იმედს: მოსალოდნელია, რომ 2020 წელს საქართველოს ეკონომიკა 4% -ით შემცირდება.

აღნიშნულ პირობებში საქართველოს მთავრობამ შეიმუშავა ანტიკრიზისული გეგმა, რომლის ფარგლებშიც 400 ათასზე მეტმა მოქალაქემ მიიღო ეკონომიკური დახმარება სახელმწიფოსგან, თუმცა ეს სოციალური დახმარება არ აღმოჩნდა საკმარისი. ბიუჯეტი არ იყო გათვლილი ამ დონის კრიზისზე, როდესაც ეკონომიკის დიდი სექტორები, როგორიცაა ტურიზმი, წყვეტენ სახელმწიფოსთვის მოგების მოტანას და ითხოვენ ფინანსურ დახმარებას. ამასთან დაკავშირებით საქართველოს ხელმძღვანელობამ მიიღო აქტიური ზომები საერთაშორისო პარტნიორებისგან დამატებითი დაფინანსების მოსაძებნად. საქართველომ მოახერხა დაფინანსების მოპოვება რიგი საფინანსო ინსტიტუტებისგან, მათ შორის სსფ – სგან ნახევარ მილიარდი დოლარის ოდენობის სესხიდან კრედიტის მიღება, რამაც შესაძლებელი გახადა მოსახლეობის და საწარმოთა დახმარების ღონისძიებების ჩამონათვალის გაფართოება.

თანამედროვე რეალიებში, როდესაც საქართველოსთვის უცხოური ინვესტიციები ეროვნული ვალუტის სტაბილურობის ერთ-ერთი მთავარი და აუცილებელი ფაქტორია, 2020 წლის 1 კვარტალში უცხოური პირდაპირი ინვესტიციების 40% -ით შემცირება შეიძლება საგანგაშო ნიშანი გახდეს ქვეყნის ეკონომიკისთვის. გარდა ამისა, აშშ-ის კონგრესის წარმომადგენელთა პალატის ასიგნების კომიტეტმა აამოქმედა ზეწოლის ეკონომიკური ბერკეტი საქართველოს შიდა პოლიტიკურ გადაწყვეტილებებზე, 2021 წლისთვის უცხო ქვეყნების დაფინანსების შესახებ დოკუმენტის გამოქვეყნებით, რომელიც ითვალისწინებს 132 მილიონი აშშ დოლარის ოდენობით ფინანსური დახმარების მისაღებად რიგი პირობების შესრულებას. კანონპროექტის თანახმად, დაგეგმილი თანხის 15%, ე.ი. დაახლოებით 20 მილიონი აშშ დოლარის გაცემა შეიძლება შეჩერდეს იმ მომენტამდე, სანამ აშშ-ის სახელმწიფო მდივანი ასიგნების კომიტეტს არ წარუდგენს ანგარიშს საქართველოს მთავრობის მიერ განხორციელებული ზომების ეფექტიანობის შესახებ ქვეყნის საშინაო პოლიტიკაში. კერძოდ, საუბარია ამერიკული კომპანიების შეუფერხებელ მუშაობაზე, რათა განახორციელონ თავიანთი კომერციული და ფინანსური ინტერესები საქართველოში. აშშ-ის ამ გადაწყვეტილებას უკავშირდება სავარაუდო დისკრიმინაცია ამერიკული ნავთობმომპოვებელი კომპანია Frontera– ს მიმართ. სინამდვილეში კი ამერიკულ კომპანიასა და საქართველოს ნავთობისა და გაზის კორპორაციას შორის, ნავთობის სახელმწიფო სააგენტოსთან ერთად, დავა მოგვარდა საერთაშორისო საარბიტრაჟო სასამართლოში, 2020 წლის აპრილში, ქართული მხარის სასარგებლოდ.

უკვე ივნისში „ფრონტერას“ ხელმძღვანელობამ, ყურადღება არ მიაქცია საერთაშორისო საარბიტრაჟო სასამართლოს გადაწყვეტილებას, საბრალდებო წერილით მიმართა საქართველოს პრემიერ-მინისტრ გიორგი გახარიას. მასში ნათქვამია, რომ ”საქართველო იმალება დემოკრატიული ფასეულობების უკან, რათა აშშ-სგან ფული მიიღოს”. ამგვარ "შევიწროებას" დაუყოვნებლივ მოჰყვა ამერიკელი კონგრესმენების რეაქცია და უკვე ივლისში საზოგადოებას წარუდგინეს ყოველწლიური დოკუმენტი უცხო სახელმწიფოებისა და ორგანიზაციებისთვის ფინანსური დახმარების გაწევის შესახებ, მაგრამ ამჯერად საქართველოსთვის თანხების ნაწილის შეკვეცის შესაძლებლობით.

ამრიგად, პირველად 2003 წლის შემდეგ, საქართველოს მთავრობამ მიიღო ერთმნიშვნელოვანი გაფრთხილება ვაშინგტონისგან, რომ მხარდაჭერის მისაღებად აუცილებელია "ემსახურებოდეს" ამერიკულ კომპანიების ინტერესებს "საქართველოს ტერიტორიაზე, რასაც ვერავითარ შემთხვევაში ვერ დაარქმევ ორი სუვერენული სახელმწიფოს ორმხრივ თანამშრომლობას. როგორც პოლიტიკური ექსპერტები აღნიშნავენ, 15% - მთლიანი თანხის მცირე ნაწილია. მიუხედავად ამისა, ასეთი ნაბიჯი მხოლოდ ერთ რამეზე მეტყველებს: საქართველოს საშინაო პოლიტიკა აშშ-სთვის არახელსაყრელია, ამიტომ სტიმულირების სტადიიდან პოლიტიკური შანტაჟისა და მხოლოდ ერთი მხარისათვის მომგებიანი ეკონომიკური პროექტების ლობირების იძულების სტადიაზე გადავიდა, მიუხედავად იმ სერიოზული ფინანსური სირთულეებისა, რომელთა წინაშეც მისი პარტნიორი აღმოჩნდა.

უცხო ქვეყნების დაფინანსების შესახებ დოკუმენტის გამოქვეყნების დღიდან საქართველოს მთავრობა აქტიურად დაარწმუნებს საზოგადოებას, რომ "საუბარი არ არის საქართველოსთვის დაფინანსების შემცირების შესახებ". თუმცაღა, ორიოდე კვირის შემდეგ საქართველოს ხელისუფლება აცხადებს, რომ Frontera Resources Georgia Corporation– თან კონტრაქტი არ შეწყდება! ამავე დროს, საქართველოს ეკონომიკისა და მდგრადი განვითარების სამინისტრო აღნიშნავს, რომ ქვეყნისთვის ყველაზე მნიშვნელოვანი ამოცანა რეპუტაციისა და მისი საინვესტიციო კლიმატის ძალიან პოზიტიური აღქმის შენარჩუნება. ამასთან ერთად რატომ არის შესაძლებელი ქართული კომპანიების ეროვნული ინტერესებისა და კანონიერი უფლებების უგულებელყოფა, სამინისტროში არ აზუსტებენ ...

ნავთობისა და გაზის კორპორაცია და „საქართველოს ნავთობისა და გაზის სახელმწიფო სააგენტო”, რომლებმაც სულ რამდენიმე თვის წინ დაამტკიცეს Frontera-ს მიერ საარბიტრაჟო სასამართლოში კონტრაქტის პირობების დარღვევის ფაქტები, კვლავ წაგებულთა შორის აღმოჩნდნენ. ხოლო როდესაც უცხოელი პარტნიორები კმაყოფილდებიან, საერთოდ არ აქვს მნიშვნელობა, რამდენად დაზარალდება ქართული კომპანიები, ან რამდენი საქართველოს მოქალაქე დარჩება უმუშევარი ...