საქართველო, 9 ივლისი, საქინფორმი. ევროკავშირის ქვეყნებიდან დაბრუნებისას საქართველოს მოქალაქეები სავალდებულო 14-დღიან კარანტინს გაივლიან. ამის შესახებ პრემიერ-მინისტრის მრჩეველმა ირაკლი ჩიქოვანმა ბრიფინგზე განაცხადა.

„საქართველოს მოქალაქეები ევროკავშირის ქვეყნებში ნებისმიერი მიზნით ვიზიტის შემდგომ, სამშობლოში უკან დაბრუნებისას გაივლიან სავალდებულო 14 დღიან კარანტინს.

მნიშვნელოვანია, ჩვენმა მოქალაქეებმა ასევე გაითვალისწინონ ევროკავშირის წევრი ქვეყნების მიდგომები საზღვრების გახსნასთან დაკავშირებით“, – განაცხადა ირაკლი ჩიქოვანმა.

საქართველო გერმანიას, საფრანგეთს, ლატვიას, ლიეტუვასა და ესტონეთს საზღვრებს უხსნის. ცნობილია, რა პროცედურების გავლა მოუწევთ საქართველოში ჩამოსვლისას ამ ქვეყნის მოქალაქეებს.