საზოგადოება
საქინფორმი: აშშ-ის ელჩმა საქართველოში კელი დეგნანმა 5 თვეში ბნელ ოთახში მიაგნო შავ კატას, რომელიც იქ არ არის და არც არასდროს ყოფილა!

 საქართველო, 6 ივლისი, საქინფორმი. პატივცემულო მკითხველო! ქვემოთ გთავაზობთ საქართველოში აშშ-ის ელჩის განცხადებას, რომელმაც საქართველოში ყოფნის ხუთიოდე თვის განმავლობაში გააკეთა ზედმიწევნით უაპელაციო დასკვნები. მისი დაუსაბუთებელი და დეკლარაციული განცხადებები აწყობილია ამერიკული ლოზუნგების სტილში - გათვლილია ემოციურ და გონივრულ აღქმაზე, აგრესიულია, როგორც ნებისმიერი დასავლური პროპაგანდა. ქართველი და ამერიკელი ხალხების იდენტურობის რეალურმა თუ ილუზორულმა მოჩვენებითობამ, ინფორმაციის ცრუ წყაროებმა და ტრაფარეტულმა მეთოდებმა, რომლებიც აღმოსავლეთისა და აზიის „მესამე“ ქვეყნებზეა გათვლილი, კელი დეგნანს „დათვური სამსახური“ გაუწია. საქართველოში ერთადერთი მისიით გამოგზავნილმა - არ დაუშვას აქ ჩრდილოელი „დათვი“ და განათავსოს საქართველოში აშშ-ის სამხედრო-საზღვაო ბაზა, სანამ ტრამპი არჩევნებისთვის ემზდება და საქართველოსთვის არ სცხელა, საქართველოში აშშ-ის ელჩი, რომელიც მიჩვეული არ არის დეტალებისთვის ყუარდღების მიქცევას, როგორც ამერიკელ ჩინოვნიკთა უმრავლესობა, მოქმედებს დედლაინის შესაბამისად და კიდევ კარგი, რომ საქართველოს მოსახლეობა არავითარ ყურადღებას არ აქცევს მის კურიოზულ განცხადებებს. სხვაგვარად, თუ არა სიცილი, სხვა რა შეიძ₾ება გამოიწვიოს მისმა დასკვნებმა საქართველოში „რუსული პროპაგანდისტული მანქანის შესახებ“, როცა რუსეთმა, ზოგიერთი არხეინი რუსი კორუმპირებული ჩინოვნიკის წყალობით, ხელი შეუწყო საქართველოში რუსული ენის მთლიანად დავიწყებასა და რუსულენოვანი მედიის დახურვას?! საქართველოს არჩევნებზე რა გავლენის შესახებ არის საუბარი, როცა ოფიციალური მოსკოვის მიერ ბოლო ათი წლის განმავლობაში ნაფერები ნინო ბურჯანაშვილი კი დღეს კვლავ სააკაშვილის „მარჯვენა ხელი“ და ნატოს შევარდენია?! როდია აქეთია ათ წელზე მეტი ხნის ისტორიის მქონე ქართული მედია უცებ პრორუსულად იქცა და რაში განჭვრიტა ელჩმა ქართული და ამერიკული სულის ნატესაობა, საქინფორმისთვის უცნობია. ჰოდა, გამოდის, რომ საქართველოში აშშ-ის ელჩმა 5 თვეში აღმოაჩინა კინაპეტ სიბნელეში შავი კატა, რომელიც იქ არ არის და არც არასდროს ყოფილა!

ჩვენ დღევანდელი დღე კიდევ ერთხელ შეგვახსენებს, რომ ბრძოლა უფრო სრულყოფილი კავშირის ფორმირებისთვის, რომელიც უზრუნველყოფს თანასწორობას და იმ უფლებების დაცვას, რომელიც აღიარებულია დეკლარაციაში, არასდროს ჩერდება, – ამის შესახებ საქართველოში ამერიკის შეერთებული შტატების ელჩმა კელი დეგნანმა განაცხადა.

კელი დეგნანმა აშშ-ის დამოუკიდებლობის დღის 244-ე წლისთავთან დაკავშირებით ისაუბრა.

მე მინდა ვუსურვო ჩემს თანამემამულე ამერიკელებს და ჩვენს ძვირფას მეგობრებს საქართველოში ბედნიერი 4 ივლისი. ეს არის დღე, როდესაც ამერიკელმა ლიდერებმა გამოაცხადეს დამოუკიდებლობა. ამერიკელებმა აშშ-ის დამოუკიდებლობის დეკლარაციის სიტყვები თითქმის ზეპირად იციან. ეს სიტყვები ისეთივე მტკიცე და ძლიერია, როგორც 244 წლის წინ, როდესაც დეკლარაციაში პირველად ჩაიწერა, რომ ყველა ადამიანი არის თანასწორი და სიცოცხლის, თავისუფლების, ბედნიერებისკენ სწრაფვის უფლება ხელშეუხებელია. ამ უფლებების დასაცავად, არსებობს მთავრობები. 11 წლის შემდეგ აშშ-ის კონსტიტუცია იყო მიღებული, სადაც გაიწერა დემოკრატიული პროექტის სტრუქტურა, რომლის მშენებლობას დღესაც ვაგრძელებთ. პროგრესი, რომელსაც მივაღწიეთ, საჭიროებდა განსაცვიფრებელ სიმამაცეს ბევრი ამერიკელისგან, რომელთა ნაწილიც თქვენთვის ცნობილია. მაგალითად, აბრაამ ლინკოლნი ან მარტინ ლუთერ კინგი და ბევრი სხვა. წელს ჩვენ აღვნიშნავთ 100 წლისთავს მას შემდეგ, რაც კონსტიტუციაში მე-19 შესწორება შევიდა, რითაც ქალებს ყველა შტატში ხმის მიცემის უფლება მიეცათ. ჩემთვის შთამბეჭდავია, რომ როდესაც ამერიკაში ჯერ კიდევ ვიბრძოდით ქალების უფლებებისთვის, საქართველოში უკვე აირჩიეს ხუთი ქალი. კიდევ 55 წელი დასჭირდა 1965 წლის საარჩევნო და უფლებების აქტის მიღებას, რათა აშშ- რასობრივი ბარიერები გაერღვია, რომელიც ბევრ ამერიკელს კენჭისყრაში მონაწილეობაში ხელს უშლიდა. ჩვენ დღევანდელი დღე კიდევ ერთხელ შეგვახსენებს, რომ ბრძოლა უფრო სრულყოფილი, თანასწორობის უზრუნველმყოფი და უფლებების დამცველი კავშირის ფორმირებისთვის, რომელიც აღიარებულია დეკლარაციაში, არასდროს ჩერდება. ეს მოითხოვს სიმამაცეს და რწმენას, რათა განხორციელდეს ცვლილებები, რომელიც ცვლის სტატუსკვოს და გზას უხსნის რეალურ პროგრესს“, – განაცხადა კელი დეგნანმა.

როგორც კელი დეგნანმა თქვა, როდესაც აშშ აღნიშნავს დამოუკიდებლობის გამოცხადების 244-ე წლისთავს, შთამბეჭდავია იმის ხილვა, თუ რა დიდი გზა გამოიარა და რამდენია კიდევ გასაკეთებელი, რათა განხორციელდეს დამოუკიდებლობის დეკლარაციის მისწრაფებები, რომ აშშ-ის ყველა მოქალაქეს თანაბრად ჰქონდეს სიცოცხლის, თავისუფლებისა და ბედნიერების უფლება.

საქართველოში გატარებული ხუთი თვის შემდეგ, ჩემთვის მარტივად გასაგებია, რომ ამერიკელებს და ქართველებს დიდი მეგობრობა აკავშირებთ. ქართველები ასევე თავისუფლებისმოყვარული ხალხია, თქვენ მოგიხდათ ბრძოლა დამოუკიდებლობისათვის. თქვენ გამოიჩინეთ ნამდვილი სიმამაცე და რწმენა, რომელიც გამოიხატა დემოკრატიულ რეფორმებში, რომლებიც თქვენ მიიღეთ ბოლო ათწლეულების განმავლობაში. ქართველებს, ისევე, როგორც ამერიკელებს, აქვთ ნება მძიმე სამუშაო შეასრულონ, რომელიც საჭიროა თქვენი ქვეყნის შესაცვლელად, რომ საქართველო იყოს ისეთი, როგორზეც თქვენ ოცნებობთთავისუფალი, უსაფრთხო, აყვავებული და დემოკრატიული. ქართველსა და ამერიკელს მტკიცე კავშირები აქვთ. ეს არა მხოლოდ ბრძოლაა ფუნდამენტური დემოკრატიული უფლებებისთვის, არამედ განგრძობადი ძალისხმევა, რომ დემოკრატიული ინსტიტუტები გაძლიერდეს და უფრო წარმომადგენლობითი გახდეს. ეს არის ჩემთვის დიდი პატივი, განვაგრძო მჭიდრო თანამშრომლობა საქართველოსთან და აღვნიშნო აშშ-ის დაბადების დღე ქართველ მეგობრებთან ერთად, – განაცხადა ელჩმა.

საქინფორმი