აქტუალური
ფინანსთა სამინისტრომ აუქციონზე 80 მლნ ლარის ღირებულების ფასიანი ქაღალდები გაყიდა

 საქართველო, 26 მაისი, საქინფორმი. ფინანსთა სამინისტროს ინფორმაციით, უწყებამ 25 მაისს გამართულ ფასიანი ქაღალდების აუქციონზე 80 მლნ ლარის ნომინალური ღირებულების 5 წლის ვადიანობის მქონე „ბენჩმარკ ობლიგაციები“ გაყიდა.

სამინისტროსვე განცხადებით, აუქციონში მონაწილეობა 6-მა კომერციულმა ბანკმა მიიღო და მთლიანმა მოთხოვნამ 164 450 000 ლარი შეადგინა.

უწყების განმარტებით, აუქიონზე მინიმალური საპროცენტო განაკვეთი 8.750%, საშუალო შეწონილი – 9.111%, მაქსიმალური კი – 9.260% იყო.