საქართველოს სტატისტიკის ეროვნული სამსახურის ბიზნესსტატისტიკის სამმართველომ საწარმოთა (არაფინანსური კორპორაციების სექტორი) 2011 წლის I კვარტლის გამოკვლევა დაიწყო. გამოკვლევას ექვემდებარება ქვეყანაში მოქმედი ყველა მსხვილი სა­წარ­მო, ხოლო საშუალო და მცირე საწარმოების გამოკვლევა ხორციელდება შერჩევით (სულ დაახლოებით 8800 საწარმო). აღნიშნული გამოკვლევის შედეგად საქსტატი მიიღებს ბიზნესსექტორის 2011 წლის I კვარტლის საქმიანობის ამსახველ ეკონომიკურ მაჩვენებლებს სხვადასხვა ჭრილში. ესენია: ბრუნვა, პროდუქციის გამოშვება (ფულად და ნატურალურ გამოსა­ხუ­ლე­ბებ­ში), დასაქმებულთა და დაქირავებულთა რაოდენობა, საშუალოთვიური ხელფასი, ინვესტიციები ფიქსირებულ აქტივებში, შემოსავლებისა და ხარჯების კლასიფიკაცია და სხვა.

საწარმოთა (არაფინანსური კორპორაციების სექტორი) 2011 წლის I კვარტლის გამოკვლევა მთელი თვის განმავლობაში გაგრძელდება. გამოკვლევის შედეგებს საქსტატი 2011 წლის 6 ივნისს გამოაქვეყნებს.