საქართველო, 15 მაისი, საქინფორმი. საქართველოში ახალი კორონავირუსის კიდევ 15 შემთხვევა დადასტურდა. მონაცემები მთავრობის მიერ შექმნილ სპეციალურ ვებგვერდზე ცოტა ხნის წინ განახლდა.

შესაბამისად, ამ დროისთვის საქართველოში კორონავირუსის ​667 შემთხვევაა დადასტურებული. მათ შორის გამოჯანმრთელებულია 383 პაციენტი. გარდაცვლილია 12 ადამიანი.

კარანტინის რეჟიმში იმყოფება 4233 მოქალაქე, ხოლო სტაციონარში მეთვალყურეობის ქვეშ – 373.

უცხოეთიდან სამკურნალოდ გადმოყვანილია საქართველოს სამი მოქალაქე.

კორონავირუსის 15 ახალი შემთხვევა ბოლნისის მუნიციპალიტეტს უკავშირდება. როგორც მუნიციპალიტეტში აცხადებენ, კორონავირუსზე შესწავლილი 86 ნიმუშიდან 15 დადებითია. აღნიშნული პირები ბოლნისის ორი სოფლის მაცხოვრებლები არიან.