”არც ღვინო, არც წყალი”: COVID 19-თან დაკავშირებით საქინფორმი საქართველოს პრეზიდენტის ინსტიტუტის შეჩერების ინიციატივით გამოდის

პუბლიკაციები

სალომე ზურაბიშვილისნაირთა შესახებ სტალინმა ამბობდა: „არც ღვინო, არც წყალი“. ეს ქალი არავის ახსენდება მშვიდობიანობის პერიოდშიც კი - არც ხალხს, არც ხელისუფლებას და არც ოპოზიციას, თუ თავად არ შეახსენებს თავს სასაცილო განცხადებებით! რაც აბსოლუტურად უწყინარი იქნებოდა, ის რომ საქართველოს პრეზიდენტი არ ყოფილიყო...

მით უფრო დაავიწყდათ იგი დღეს, COVID 19-თან ომის პირობებში, რადგან, როგორც მან პირობა დადო 2018 წელს თავისი წინასაარჩევნო კამპანიის დროს, პრეზიდენტი უნდა იდგეს ხალხზე მაღლა. დიახ, იმ დროს, როდესაც პრემიერ-მინისტრი და კაბინეტის წევრები, ქართველი ექიმები, პოლიციელები და არმია სიცოცხლის რისკის ქვეშ დღე-ღამეში 24 საათის განმავლობაში კორონავირუსს ებრძვიან, საქართველოს პრეზიდენტი თვითიზოლირებულია, დაფარფატებს პრეზიდენტის რეზიდენციის დარბაზებში და ტკბება მისი ბრძანებით შეძენილი ანტიკვარიატით!

გუშინ სალომე ზურაბიშვილმა კვლავ შეგვახსენა თავი - უსაქმურობისგან ჩათვალა, რომ ახლა საქართველოს პრეზიდენტისთვის არაფერია ამაზე მნიშვნელოვანი, მალე გამოჯანმრთელება უსურვა ბრიტანეთის პრემიერ-მინისტრ ბორის ჯონსონს და ქართველი ხალხის სახელით (?!) კორონავირუსთან ბრძოლაში მხარდაჭერა გამოხატა. „ამ გაჭირვების ჟამს, გიერთდებით მადლიერების გამოხატვაში, იმ ხალხის მიმართ, ვინც #COVID19-ს სახლში დარჩენით ებრძვის. ბორის ჯონსონ, გამაგრდით! ვირუსის წინააღმდეგ თქვენს პირად ბრძოლაში საქართველო თქვენ გვერდით დგას. გისურვებთ გამძლეობასა და მალე გამოჯანმრთელებას“, - დაწერა მან პრეზიდენტ ტრამპის მიბაძვით მიკრობლოგ Twitter- ზე...

საქინფორმი სვამს კითხვას: როდესაც საქართველო გადარჩენის რეჟიმშია, როდესაც ეკონომიკა შეჩერებულია და მთავრობა ყველაფერს ზოგავს, აქვს თუ არა ქართველ ხალხს შესაძლებლობა, შეინახოს "ფრანგი დედოფალი" ორბელიანის მდიდრულ სასახლეში, მოსამსახურეებსა და ადმინისტრაციასთანურთ? ხოლო პომპეზური მიღებებისთვის შეინახოს მეორე საპრეზიდენტო სასახლეც - სააკაშვილის ავლაბრის რეზიდენცია? განა ვინმემ საქართველოში და თავად ზურაბიშვილმა იცის, სინამდვილეში რა ფუნქციები აკისრია მას?!

ზემოაღნიშნულთან დაკავშირებით, საქინფორმი გამოდის ინიციატივით - პანდემიის დასრულებამდე შეჩერდეს საქართველოში პრეზიდენტის ინსტიტუტი, შემდეგ კი პარლამენტში განიხილონ მისი ლიკვიდაციის საკითხი უმაქნისობის გამო, და კონსტიტუციაში შესაბამისი ცვლილებები შეიტანონ.