უცხოეთი
ვლადიმერ პუტინი - მეფე არ ვარ! ყოველ დღე ვმუშაობ და არ ვმეფობ!

 საქართველო, 20 მარტი, საქინფორმი. რუსეთის პრეზიდენტი, ვლადიმერ პუტინი არ ეთანხმება იმ ადამიანებს, რომლებიც მას მეფეს უწოდებენ. მისი თქმით, ის მეფე არ არის, რადგან მეფეები ბრძანებებს გასცემენ, ხოლო პრეზიდენტები ყოველ დღე მუშაობენ. ამის შესახებ რუსეთის პრეზიდენტმა „ტასთან“ ინტერვიუში სახელწოდებით „20 შეკითხვა ვლადიმერ პუტინს“ განაცხადა.

„ეს სიმართლე არ არის. მე ყოველ დღე ვმუშაობ და არ ვმეფობ. მეფე ის არის, ვინც ზის, ზევიდან იყურება და ამბობს „აი, გიბრძანებ“ , თავად ქუდებს ისინჯავს და სარკეში იყურება“,-აღნიშნა პუტინმა.

მისივე თქმით, თავდაპირველად „თავშიც არ მოსვლია“, რომ მისი ხელისუფლებაში ყოფნა ამდენ ხანს გაგრძელდებოდა.

„მე იმასაც ვერ წარმოვიდგენდი, რომ აქ აღმოვჩნდებოდი. ეს თავში არც მომსვლია და არც შეიძლება მომსვლოდა“,-განაცხადა პუტინმა.

interpressnews.ge