სამართალი
დააჯარიმეს უცხოეთის მოქალაქეები, რომლებსაც საქართველოში კონტრაბანდული სიგარეტი შემოჰქონდათ
საქართველო, 29 იანვარი, საქინფორმი. ქართველმა მებაჟეებმა აზერბაიჯანის, თურქეთისა და სომხეთის საზღვრებზე კონტრაბანდული სიგარეტის შემოტანის ფაქტები აღკვეთეს, ნათქვამია შემოსავლების სამსახურის ვებ-გვერდზე გავრცელებულ განცხადებაში.
„წითელი ხიდის", „ლაგოდეხის", „სადახლოსა" და „სარფის" საბაჟო-გამშვებ პუნქტებში უცხოეთის მოქალაქეებისგან საქართველოს ტერიტორიაზე ჯამში 46 ათასამდე ღერი არადეკლარირებული სიგარეტი ამოიღეს.
საქართველოს საბაჟო კოდექსის 168-ე მუხლის მესამე ნაწილის შესაბამისად, კანონდამრღვევებს ჩამოერთვათ საქონელი და თითოეულს დაეკისრა ფულადი ჯარიმა ათას-ათასი ლარის ოდენობით.
საქმის მასალები შემდგომი რეაგირებისთვის შესაბამის უწყებებს გადაეცათ.
