”თუ ეს სპექტაკლია, მაშინ ის ძალიან საშიში და ცინიკურია,, - განაცხადა საქინფორმის მთავარმა რედაქტორმა არნო ხიდირბეგიშვილმა საქართველოში ბოლოდროინდელი მოვლენების კომენტირებისას, - 2003 წელს ჩვენ ასევე გვარწმუნებდნენ, რომ შევარდნაძის ხელისუფლება მთლიანად ფლობდა სიტუაციას, თუმცა საბოლოოდ აღმოჩნდა, რომ ხალხს უღალატეს და გაყიდეს!”.

- ბატონო არნო, სამწუხაროდ, საქართველოში დაიწყო ის, რისიც ყველაზე მეტად გეშინოდათ - ხალხმა, ხელისუფლების უმოქმედობის შემხედვარემ, ინიციატივა ხელში აიღო. ოპოზიციასთან შეტაკებები ქუთაისში, მცხეთაში და, ალბათ, ზეგ ისევ ქუთაისში: რა არის ეს, თუ არა სამოქალაქო დაპირისპირება, რის შესახებაც ბოლო ინტერვიუებში გვაფრთხილებდით?

- დიახ, საქართველოში ხელისუფლების შეცვლის მორიგი ციკლი დაიწყო, რომლის აუცილებელი კომპონენტიცაა დაპირისპირება სამოქალაქო საზოგადოებაში. გარედან მართული ადგილობრივი დესტრუქციული ძალები აღვივებენ შუღლს ადამიანებს შორის, რომელთაც მედიის მეშვეობით პროპაგანდით წინასწარ ამუშავებენ. 1989 წლის 9 აპრილიდან მოყოლებული საქართველოში არამარტო ყველა ტრაგიკული მოვლენის ეპიცენტრში ვიმყოფებოდი, არამედ მქონდა შესაძლებლობა, თვალყური მედევნებინა მათთვის შიგნიდან, ამიტომ დღეს სრული პასუხისმგებლობით ვაცხადებ:

   პირველი: საქართველოს მოქმედი ხელისუფლების ნეიტრალური პოლიტიკა არის ღრმად მცდარი - არ შეიძლება თანაბრად გაასამართლო პროვოკატორები - და პატრიოტები, რომლებიც დღეს საქართველოს იცავენ მთავრობის უმოქმედობის შემხედვარე! ხოლო ოპოზიციის ახალგაზრდული ფრთა - მოძრაობები "გაბედე" და "შეცვალე", ეს არის აღდგენილი "კმარა" და "თავისუფალი ზონა", ანუ მიშაიუგენდი, რომელიც დასავლეთის გრანტებზე არის გაწვრთნილი! ცინიკოსების დაუნდობელი ექსტრემისტები, ხვალ მათ უნდა ააშენონ ეს ქვეყანა?!

   მეორე: მთავრობის რწმენა, რომ შეინარჩუნებს კონტროლს პროცესებზე ნებისმიერ სიტუაციაში, ღრმად მცდარია, რადგან: ა - მთელი საქართველოს გასაკონტროლებლად საკმარისი პოლიცია არ არსებობს და პოლიციის დაცვის ქვეშ მუშაობა მაინც არ გამოვა; ბ - მათ ეწინააღმდეგებიან არა მხოლოდ სააკაშვილის გამოცდილი პროვოკატორების ჯგუფი და 20 ოპოზიციური პარტია, საერთო ელექტორატით 3000 კაცამდე, არამედ მძლავრი ძალები საზღვარგარეთ.

მართალია, არ შეიძ₾ება იმის გამორიცხვა, რომ ეს კიდევ ერთი საშიში და ცინიკური სპექტაკლია ქართველი ხალხის ზურგსუკან, როგორც 2003 წელს, როდესაც ასევე გვარწმუნებდნენ, რომ შევარდნაძის ხელისუფლება სიტუაციას მთლიანად აკონტროლებდა, თუმცა საბოლოოდ აღმოჩნდა, რომ ხალხს უღალატეს და „თამაში“ ზურგს უკან გაყიდეს…

- მაგრამ როგორ გადავწყვიტონ საკამათო საკითხი? ოპოზიცია გვთავაზობს ”გერმანულ მოდელს” - არჩევნებს მთლიანად პროპორციული სისტემით, ხოლო ხელისუფლება კატეგორიულად უარყოფს მას, როგორც საქართველოს კონსტიტუციისთვის შეუსაბამოს. სად ხედავთ ჩიხიდან გამოსავალს?

- "გერმანული მოდელი" იგივე სატყუარაა, როგორც თავის დროს - "ხუთჯვრიანი დროშა": 2004 წლის თებერვალში სააკაშვილმა, რომელსაც ის-ის იყო არჩევნები მოაგებინეს, თავისი პარტიული ხუთჯვრიანი დროშა საქართველოს სახელმწიფო დროშად აქცია, რათა საზოგადოებაში ცხარე დებატები გამოეწვია და ყურადღება გადაეტანა ქვეყანაში დაწყებული რეპრესიებიდან! სინამდვილეში დღეს საქმე სხვაგვარადაა: საქართველოში საპარლამენტო არჩევნები გაიმართება 2020 წლის 31 ოქტომბერს, ხოლო საპრეზიდენტო აშშ–ში იმავე წლის 3 ნოემბერს, ანუ აშშ–ს ახალი პრეზიდენტი მიიღებს ჯორჯიაში მზა ხელისუფლებას. სააკაშვილი და მისი გუნდი უკვე ორჯერ ჩაფლავდა, როდესაც ფსონი არასწორ კანდიდატზე დადო - მხარს მაკკეინს უჭერდა, მაგრამ ობამამ გაიმარჯვა, კლინტონს აღმოუჩინა მხარდაჭერა - და გაიმარჯვა ტრამპმა, ასე რომ, ამჯერად შეეცდებიან, შეცდომა აღარ დაუშვან.

- განა რა გავლენა შეიძლება იქონიოს ქართულმა ოპოზიციამ აშშ-ის საპრეზიდენტო არჩევნებზე, რომელიც საქართველოშიც კი ვერ ახერხებს ძალაუფლების ხელში აღებას?!

- დიახ, შეიძლება პროვოკატორებს ძალაუფლების ხელში ჩაგდება არ გამოუვიდეთ, მაგრამ უხელისუფლებობის მოწყობას მშვენივრად მოახერხებენ! დესტაბილიზაცია საქართველოში, როგორც მთელ კავკასიასა და უკრაინაში ხელს აძლევს ტრამპის მოწინააღმდეგეებს, აქ მათი და ქართველი „ოპოზიციის“ გეგმები ერთმანეთს ემთხვევა! ”თავისი პრეზიდენტობის მთელი ვადის განმავლობაში ტრამპმა არათუ არ გააძევა რუსები საქართველოდან და უკრაინიდან, არამედ ხელი შეუწყო ივანიშვილისა და ზელენსკის „პრორუსული“ ხელისუფლებების დამკვიდრებას! იმის ნაცვლად, რომ ნატოსა და აშშ-ის სამხედრო ბაზები გაეხსნას საქართველოსა და უკრაინაში, ტრამპმა განაცხადა, რომ მათ ნატოში არ მიიღებენ და იარაღით დახმარებაზე უარი თქვა! თავიც კი არ შეუწუხებია, რომ საქართველოში ელჩი დაენიშნა თავისი პრეზიდენტობის პერიოდში!”, - განაცხადებს ბაიდენისა და სააკაშვილის მხარდამჭერი ჯგუფი. მეორეს მხრივ, ემთხვევა ბურჯანაძისა და სააკაშვილის გეგმები - მოაშორონ ივანიშვილი: ახლა ბურჯანაძე მოსკოვში გაფრინდა - ან იმისათვის, რომ განმარტოს სააკაშვილთან თავისი ერთობლივი მოქმედებები, ანდა შესთავაზოს იმ ძალაუფლების ხელში აღება, რომელსაც სააკაშვილთან ერთდ "მალე წაართმევენ ივანიშვილს“!

და იცით, რატომ ხდება ასე?! იმიტომ, რომ ქართველმა ხალხმა დიდი ხანია დაკარგა თავისი სულიერი მამის - ილია მეორის გაგების, მისი ქადაგებების შესმენის უნარი! არადა არ ყოფილა შემთხვევა, რომ პატრიარქს წინასწარ არ გაეფრთხილებინა თავისი ხალხი მოსალოდნელი განსაცდელის შესახებ! ასე იყო 9 აპრილის ღამით და სსრკ-ის დაშლის დროს, ასე იყო გამსახურდიას დამხობისა და თბილისის ომის დროს, ასე იყო სამაჩაბლოსა და აფხაზეთში ომების დროს, ასე იყო შევარდნაძის დამხობის დროსაც! “ბაბუ“ იყო ჭანჭიკი, თუნდაც ჟანგიანი, რომელიც მთელი კონსტრუქციას, ცუდათ თუ კარგათ, იჭერდა! მისი ამოძრობის შემდეგ, კონსტრუქცია დაიშალა და ნანგრევებზე ბოროტი სააკაშვილი გამოჩნდა! იგივე მოხდება, თუ დღეს ივანიშვილს გააძევებენ...

ვისაც ყურები აქვს, ესმის კიდეც - გავიხსენოთ პატრიარქის თუნდაც ბოლო სამი ქადაგება: რომ საქართველოში ყველაფერი მოულოდნელად შეიძლება შეიცვალოს, რომ ჩვენ, ქართველებს არ გვიყვარს ნიჭიერი ხალხი და ვებრძვით მათ, რომ არ გვესმის ერთმანეთის და რომ ბედნიერია ის, ვინც სხვას ჯვრის ტარებაში ეხმარება, ჩვენ კი, ქართველები მხოლოდ ვამძიმებთ მოყვასებს საკუთარი ტვირთით ...

   ესაუბრა მაია ჯავახიშვილი
2019 წლის 4 დეკემბერი
საქართველო, თბილისი