საქართველოს პარლამენტის თავმჯდომარე დავით ბაქრაძემ 23 მარტს განაცხადა, რომ დასავლეთი „არ უნდა წამოეგოს“ რუსეთის „ბავშვურ და არასერიოზულ“ არგუმენტს იმის თაობაზე, რომ არ დებს ძალის გამოუყენებლობის პირობას, რაკი კონფლიქტის მხარეს არ წარმოადგენს.

„მაპატიეთ, მაგრამ ვისი ტანკები დგანან თბილისიდან 40 კილომეტრში? ამრიგად, ვინ არის კონფლიქტის მხარე, თუ არა რუსეთი?“ – განაცხადა ბაქრაძემ.

თბილისში ნატოს საპარლამენტო ასამბლეის როუზ-როსის 76-ე სემინარზე გამოსვლისას ბაქრაძემ განაცხადა, რომ ძალის გამოუყენებლობაზე რუსეთის პირობის მიღება „უახლოეს მიზანს“ წარმოადგენს, რაც დაეხმარებოდა „ოკუპირებული ტერიტორიების ირგვლივ ვითარების შედარებით სტაბილიზაციას და საშუალებას მოგვცემდა, შეგვექმნა ნორმალური ნიადაგი პოლიტიკური დიალოგისთვის“ რუსეთთან.