აქტუალური
საქართველოს პრეზიდენტი ტოკიოში სომხეთის პრეზიდენტს შეხვდა

 საქართველო, 24 ოქტომბერი, საქინფორმი. საქართველოს პრეზიდენტი სალომე ზურაბიშვილი ტოკიოში სომხეთის პრეზიდენტს, არმენ სარქისიანს შეხვდა. პრეზიდენტებმა შეხვედრისას ქვეყნებს შორის ორმხრივი ურთიერთობები განიხილეს.

საუბარი შეეხო რეგიონში არსებულ ვითარებასა და სავაჭრო-ეკონომიკური ურთიერთობების გაძლიერებას, ასევე კულტურულ თანამშრომლობას.

ასევე, პრეზიდენტებმა განიხილეს თანამშრომლობის საკითხები ტექნოლოგიების, სურსათის უვნებლობის, ტრანსპორტისა და ინფრასტრუქტურის მიმართულებით.