აქტუალური
ქუთაისის აეროპორტს 1 ლარად ყიდიან

aeroport_kutaisiსაქართველოს მთავრობამ შესაძლოა, სახელმწიფო საკუთრებაში არსებული შპს „ქუთაისის აეროპორტი“ სიმბოლურ ფასად – 1 ლარად გაყიდოს. როგორც საქართველოს ეკონომიკისა და მდგრადი განვითარების სამინისტროში აცხადებენ, მთავრობა ქუთაისის აეროპორტის მართვისა და განვითარებისთვის ინტერესის გამოსახატავად კომპანიებს წინასწარი კვალიფიკაციის გასავლელად იწვევს.

„საქართველოს მთავრობა ქუთაისის აეროპორტის საერთაშორისო სტანდარტებთან შესაბამისობაში მოსაყვანად შპს „ქუთაისის აეროპორტის“ აქტივების სიმბოლურ ფასად – 1 ლარად გასხვისების საკითხს განიხილავს. მთავრობა, ასევე, მზადაა, მოიწვიოს კომპანიები, რომლებიც ქუთაისის აეროპორტის მიერ დაბალბიუჯეტიანი ავიახაზების მომსახურების შესახებ საკუთარ წინადადებებს წარადგენენ. კომპანიების წლიური გადაზიდვების რაოდენობა 20 მილიონ მგზავრს არ უნდა ჩამოუვარდებოდეს“, – განმარტავენ ეკონომიკისა და მდგრადი განვითარების სამინისტროში.

ამასთან, საქართველოს მთავრობა თანახმაა, კომპანიის მიერ ზემოაღნიშნული პირობების დაკმაყოფილების შემთხვევაში, პროექტის თანადამფინანსებელი გახდეს.