ბატონო ვახტანგ!
თქვენი თანამშრომლები ყველაზე ქვედა რანგის ჩინოვნიკებსაც კი აპატიმრებენ რამდენიმე ასეული ლარის ქრთამის აღებისთვის და სწორადაც იქცევიან, რადგან კორუფცია საფრთხეს უქმნის სახელმწიფო უსაფრთხოებას. თუმცაღა, „საქინფორმის“ კოლექტივისა და მრავალრიცხოვანი მკითხველისთვის გაუგებარია - დღემდე რატომ დათარეშობენ თავისუფლად დამნაშავეები, რომლებმაც სახელმწიფოს განსაკუთრებით დიდი ოდენობით ზარალი მიაყენეს?
საქართველოს მთავრობის პრიორიტეტია ისეთი ეკონომიკურად სტრატეგიული მიმართულებების განვითარება, როგორიცაა ტურიზმი, სატრანსპორტო მიმოსვლა, უცხოური ინვესტიციების მოზიდვა და ქართული პროდუქციის ექსპორტი. რფ-ის სახელმწიფო დუმის დეპუტატ გავრილოვის ხელმძღვანელობით რუსეთის დელეგაციის მიმართ განხორციელებული პროვოკაციისა და 20-21 ივნისის ღამით, სახელმწიფო გადატრიალების (რომელიც მარცხით დასრულდა შსს თანამშრომლებისა და მინისტრის, გიორგი გახარიას გაბედული ქმედებების გამო) ორგანიზატორებმა და შემსრულებლებმა მილიარდიანი ზარალი მიაყენეს სახელმწიფო ბიუჯეტს, და მაშასადამე - გამოუსწორებელი ზიანი საქართველოს სახელმწიფო უსაფრთხოებას.
სააკაშვილის - პარტიების: „ნაციონალური მოძრაობისა“ და „ევროპული საქართველოს“ ლიდერებისა და მათი თანამზრახველების მეთაურობით, მრავალეროვანი ქართველი ხალხის მტრების ანტისახელმწიფოებრივი ძირგამომთხრელი ქმედებების შედეგად მოხდა ქვეყნიდან რუსი ტურისტების მკვეთრი გადინება და გაგანია ტურისტულ სეზონზე რუსეთთან პირდაპირი ავიარეისების შეწყვეტა, ფულადი გზავნილების მკვეთრად შემცირება რუსეთიდან და რუსეთში საქართველოს ექსპორტის შემცირება, ქართული ეროვნული ვალუტის უპრეცედენტო ინფლაცია და საწვავის, საკვები პროდუქტებისა და მედიკამენტების ფასების მკვეთრი ზრდა.
ჯერჯერობით ვერ ხერხდება ზარალის გამოანგარიშება, მაგრამ უკვე დანამდვილებით შეიძლება ითქვას, რომ სახელმწიფოსთვის, და, შესაბამისად, რიგითი მოქალაქეების - გადასახადის გადამხდელებისთვის - მიყენებული ზარალი გამოითვლება ციფრებში, რომლებიც მილიარდ დოლარს, ან კიდევ უფრო მეტს აღემატება. და ეს სასტუმროსა და რესტორნების ბიზნესით დაკავებული, სოფლის მეურნეობასა და ტურისტული მომსახურების სფეროში დასაქმებული რიგითი მოქალაქეების დანაკარგების ჩათვლით. ვინ აუნაზღაურებს მათ ზარალს, ვინ ჩამოაწერს მოქალაქეებსა და გლეხებს მათ მიერ, რუსი ტურისტებისა და რუსეთში ქართული ღვინის ექსპორტის იმედად, ბანკებში აღებულ კრედიტებს?!
საქართველოს მოქალაქეებისთვის მატერიალური და მორალური ზარალის ანაზღაურების ერთადერთი გზა არსებობს - პუტჩისტი პროვოკატორების და საბანკო ანგარიშების დაპატიმრება, მათი უძრავ-მოძრავი ქონებისა ექსპროპრიაცია, სააკაშვილისა და მისი ოჯახის წევრებით დაწყებული, პარლამენტარებით - მისი ზემოაღნიშნული პარტიების ლიდერებით დამთავრებული. აპირებთ ამ ოპერაციის განხორციელებას უახლოეს მომავალში, ბატონო ვახტანგ? თუ კოაბიტაცია საქართველოში კვლავაც გრძელდება და მართლმსაჯულებასა და სპეცსამსახურებში ორმაგი სტანდარტები კვლავ მოქმედებს?! რატომაა, რომ თანამდებობის პირი, რომელმაც 500 ლარის ოდენობის ქრთამი აიღო, დიდი ხნით ჯდება ციხეში, ხოლო ქურდები, რომლებმაც გაჭირვებულ ხალხს მილიარდები მოპარეს, პერსონა ნონ-გრატა არიან?!
„საქინფორმის“ რედაქცია
2019 წლის 20 აგვისტო