უცხოეთი
დონალდ ტრამპს ბირთვული შეთანხმების გაფორმება რუსეთთან და ჩინეთთან სურს

 საქართველო, 6 აგვისტო, საქინფორმი. დონალდ ტრამპს ბირთვული შეთანხმების გაფორმება რუსეთთან და ჩინეთთან სურს. ამის შესახებ ინფორმაციას „როიტერი“ ავრცელებს.

ამერიკის შეერთებული შტატების პრეზიდენტმა განაცხადა, რომ აღნიშნულ საკითხთან დაკავშირებით ორივე ქვეყნის წარმომადგენლებს ესაუბრა. მოსკოვმა და პეკინმა კი შეთანხმებასთან დაკავშირებით საკმაოდ დიდი ინტერესი გამოხატეს.

ამერიკის შეერთებულმა შტატებმა მოკლე და საშუალო მანძილზე მოქმედი რაკეტების ლიკვიდაციის შესახებ ხელშეკრულება ოფიციალურად 2 აგვისტოს დატოვა. ამას თან ახლდა ექვსთვიანი ვადა, რომელიც ვაშინგტონმა მოსკოვს დოკუმენტის პირობების შესასრულებლად მისცა.

ამერიკის შეერთებულ შტატებსა და ნატო-ში მიჩნევენ, რომ მოსკოვის ხელშეკრულების პირობებს არღვევს.

1tv.ge