უცხოეთი
„ბლუმბერგის“ ცნობით, აშშ თურქეთის წინააღმდეგ სანქციების დაწესებას გეგმავს
საქართველო, 15 ივლისი, საქინფორმი. სააგენტო „ბლუმბერგის“ ცნობით, აშშ თურქეთის წინააღმდეგ სანქციების დაწესებას აპირებს. ჟურნალისტების ცნობით, დონალდ ტრამპის ადმინისტრაცია შეზღუდვების პაკეტზე მუშაობს, რომელიც ანკარას წინააღმდეგ რუსეთისგან საზენიტო-სარაკეტო კომპლექს ეს-400-ების შეძენის გამო ამოქმედდება.
ანონიმურმა წყარომ „ბლუმბერგს“ უთხრა, რომ სანქციებს თურქეთის წინააღმდეგ უახლოეს დღეებში გამოაცხადებენ.
ამასთან, ჯერ უცნობია, კონკრეტულად რომელ სფეროებს შეეხება შეზღუდვები.
შეგახსენებთ, აშშ-მა არაერთხელ მოუწოდა თურქეთს, უარი თქვას რუსეთისგან აღნიშნული შეიარაღების შეძენაზე, თუმცა ანკარამ ეს-400-ები მაინც შეისყიდა.
1tv.ge
