სომხური საინფორმაციო სააგენტო სხვადასხვა კრედიტორი ქვეყნის მიმართ საქართველოს ვალების ნუსხას აქვეყნებს. სომხური საინფორმაციო სააგენტო „news.am“-ის ცნობით, 2011 წლის მარტის მონაცემებით, საქართველოს ვალი სომხეთის მიმართ 16 მილიონ 636 ათას აშშ დოლარს შეადგენს. ინფორმაციის თანახმად, საქართველოს შიდა და საგარეო ვალი სულ 4 მილიარდ 21 მილიონ 210 ათას აშშ დოლარია.

კრედიტორებს შორისაა ავსტრია – 488 ათასი აშშ დოლარი; თურქმენეთი – 211 ათასი აშშ დოლარი; აზერბაიჯანი – 13 მილიონ 959 ათასი აშშ დოლარი; თურქეთი – 26 მილიონ 673 ათასი აშშ დოლარი; ირანი – 10 მილიონ 918 ათასი აშშ დოლარი; რუსეთი – 115 მილიონ 99 ათასი აშშ დოლარი; უზბეკეთი – 248 ათასი აშშ დოლარი; ჩინეთი – 4 მილიონ 562 ათასი აშშ დოლარი; გერმანია – 237 მილიონ 502 ათასი აშშ დოლარი; იაპონია – 57 მილიონ 268 ათასი აშშ დოლარი; ქუვეითი – 26 მილიონ 164 ათასი აშშ დოლარი; ნიდერლანდები – 8 მილიონ 187 ათასი აშშ დოლარი; აშშ – 35 მილიონ 264 ათასი აშშ დოლარი; საფრანგეთი – 6 მილიონ 465 ათასი აშშ დოლარი.

საქართველოს ვალი მსოფლიო ბანკის მიმართ 1 მილიარდ 210 მილიონ 223 ათასი აშშ დოლარია; რეკონსტრუქციისა და განვითარების მსოფლიო ბანკისგან აღებული ვალი – 192 მილიონ 137 ათასი დოლარი; საერთაშორისო სავალუტო ფონდის მიმართ ვალი – 1 მილიარდ 63 მილიონ 618 ათასი აშშ დოლარი; ევროკავშირის ვალი – 18 მილიონ 609 ათაში აშშ დოლარი; ევროპის რეკონსტრუქციისა და განვითარების ბანკის დავალიანება – 50 მილიონ 314 ათასი დოლარი; სოფლის მეურნეობის განვითარების საერთაშორისო ფონდის ვალი – 23 მილიონ 368 ათასი დოლარი, აზიის განვითარების ბანკის – 334 მილიონ 144 ათასი აშშ დოლარი; ევროპის საინვესტიციო ბანკის – 37 მილიონ 437 ათასი აშშ დოლარი.