ეროვნული ბანკის ინფორმაციით, 2011 წლის თებერვალში ქვეყანაში შემოსული ფულადი გზავნილების ნაკადების მოცულობამ 72.3 მლნ აშშ დოლარი შეადგინა, რაც 10.6 მლნ აშშ დოლარით, ანუ 17.2 % მეტია 2010 წლის თებერვლის ანალოგიურ მაჩვენებელზე. ამ პერიოდში ფულადი გზავნილების მოცულობა გაიზარდა რუსეთიდან (5.7 მლნ აშშ დოლარით), იტალიიდან (1.2 მლნ აშშ დოლარით), აგრეთვე, ზოგიერთი სხვა ქვეყნიდან.

უცხოეთიდან საქართველოში ფულადი გზავნილების 90.9 პროცენტი იმ 10 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ თებერვალში 1 მლნ აშშ დოლარს გადააჭარბა. გასული წლის თებერვალში იმავე 10 ქვეყანაზე მთელი ფულადი გზავნილების 91.3 პროცენტი მოდიოდა. 2011 წლის თებერვალში საქართველოდან საზღვარგარეთ 7.8 მლნ აშშ დოლარი გადაიგზავნა, გასული წლის თებერვალში კი ამ მაჩვენებელმა 5.6 მლნ აშშ დოლარი შეადგინა.