საზოგადოება
საქართველოს პარლამენტის თავმჯდომარემ შესთავაზა, არაკონსტიტუციურად გამოცხადდეს კომპარტია და „ნაციონალური მოძრაობა“ ერთად
საქართველო, 12 ივნისი, საქინფორმი. გთავაზობთ, არაკონსტიტუციურად გამოვაცხადოთ კომპარტია და „ნაციონალური მოძრაობა“ ერთად, – ამის შესახებ საქართველოს პარლამენტის თავმჯდომარემ ირაკლი კობახიძემ პარლამენტის პლენარულ სხდომაზე განაცხადა.
ირაკლი კობახიძემ ეს განცხადება მას შემდეგ გააკეთა, რაც „ნაციონალური მოძრაობისა“ და „ევროპული საქართველოს“ წევრებმა პარლამენტის სხდომაზე განაცხადეს, რომ „ქართული ოცნების“ წევრები კომუნისტური პარტიის დროს მაღალ თანამდებობებზე მუშაობდნენ.
„გთავაზობთ, არაკონსტიტუციურად გამოვაცხადოთ კომპარტია და „ნაციონალური მოძრაობა“ ერთად. მივმართოთ საკონსტიტუციო სასამართლოს ამასთან დაკავშირებით“, – მიმართა ირაკლი კობახიძემ.
„ევროპული საქართველოს“ წარმომადგენელმა გიგა ბოკერიამ პარლამენტის სხდომაზე განაცხადა, რომ საპარლამენტო უმრავლესობის წევრი გია ვოლსკი ცეკა-ს ყოფილი ინსტრუქტორია, რის შემდეგაც პარლამენტის სხდომაზე დაპირისპირება მოხდა. როგორც ბოკერიას საპასუხოდ გია ვოლსკიმ აღნიშნა, იმ ადამიანებს, რომლებზეც ბოკერია ლაპარაკობდა, ყავარჯნებით ადამიანები არ გაუუპატიურებიათ.
