საზოგადოება
პენსია 20 ლარით (დღეს - 7$) 2020 წელსაც გაიზრდება
საქართველო, 4 ივნისი, საქინფორმი. 2019-2020 წლებში პენსიების ზრდისთვის 600 მილიონი ლარი მიიმართება. ამის შესახებ აღნიშნულია პრემიერ-მინისტრ მამუკა ბახტაძის პირველ წლიურ მოხსენებაში, რომელიც პარლამენტის ბიუროს სხდომას წარედგინა.
დოკუმენტში ნათქვამია, რომ 2019-2020 წლებში გათვალისწინებულია პენსიების ზრდა. კერძოდ, 2019 წელს ამ მიზნით დამატებით გათვალისწინებულია 200 მლნ ლარი, ხოლო 2020 წელს – 400 მლნ ლარი.
საქართველოში პენსია 2019 წელს 20 ლარით გაიზარდა, 2020 წელსაც პენსიის ზრდა ასევე 20 ლარით იგეგმება.
