საქართველო, 31 მაისი, საქინფორმი. ამერიკის შეერთებული შტატების პრეზიდენტის ადმინისტრაციის ინფორმაციით, იერუსალიმი უპრეცედენტო ისრაელ-აშშ-რუსეთის უსაფრთხოების სამიტს უმასპინძლებს. მოლაპარაკებები ისრაელში მიმდინარე წლის ივნისში გაიმართება.

სამიტში ეროვნული უსაფრთხოების საკითხებში აშშ-ის პრეზიდენტის მრჩეველი, ჯონ ბოლტონი, ისრაელის ხელისუფლების ეროვნული უსაფრთხოების მრჩეველი, მეირ ბენ-შაბათი და რუსეთის უშიშროების საბჭოს მდივანი, ნიკოლაი პატრუშევი მიიღებენ მონაწილეობას.

​სამიტის დღის წესრიგზე დეტალური ინფორმაცია არ ვრცელდება, თუმცა ისრაელის მედია წერს, რომ განხილვის მთავარი თემა სირიის ომი, სირიაში ირანის ფაქტორი და სირიიდან აშშ-ის ჯარების გასვლა იქნება.

1tv.ge