საზოგადოება
ზვავსაშიშროება კობი-გუდაურის მიმართულებით
კობი-გუდაურის მიმართულებით გზა კვლავ ზვავსაშიშ ზონადაა მიჩნეული. დიდთოვლობის გამო გზის ამ მონაკვეთზე მიმოსვლა პარალიზებულია, რის გამოც ყველა სახის ავტოტრანსპორტისთვის მოძრაობა აკრძალულია.
გზის გაწმენდით სამუშაოებს ძლიერი თოვა და ნისლი ართულებს. ადგილზე მობილიზებულია სპეცტექნიკა, თუმცა გაწმენდითი სამუშაოები მეტეოროლოგიური სამსახურიდან ზვავსაშიშროების საფრთხის მოხსნის შესახებ ინფორმაციის მიღების შემდეგ განახლდება.
რაც შეეხება გუდაური-ჯვრის უღელტეხილსა და სტეფანწმინდა-ლარსის მონაკვეთებს, გაწმენდითი სამუშაოები უკვე მიმდინარეობს.
