საზოგადოება
თბილისისა და ბათუმის საერთაშორისო აეროპორტებში უკრაინული ქალაქების დასახელებების მართლწერა შეიცვალა
საქართველო, 22 მარტი, საქინფორმი. თბილისისა და ბათუმის საერთაშორისო აეროპორტებში უკრაინული ქალაქების დასახელებების მართლწერა შეიცვალა. ამის შესახებ აეროპორტების მმართველი კომპანია „ტავ ჯორჯია“ იუწყება.
ქალაქების სახელების ლათინურად წერისას აქამდე საქართველოსა და სხვა ქვეყნებში რუსული ტრანსკრიფცია გამოიყენებოდა, რაც სოციალურ ქსელებში ბევრი მომხმარებლის უკმაყოფილების მიზეზი იყო.
ამიერიდან Kiev-ის ნაცვლად თბილისსა და ბათუმში Kyiv-ს გამოიყენებენ, Lvov-ს Lviv შეცვლის, Odessa-ს – Odesa, ხოლო Kharkov-ს - Kharkiv.
