სამართალი
სუს-ი: გალში დე ფაქტო ხელისუფლების მიერ დაკავებული საქართველოს მოქალაქე გარდაიცვალა

 საქართველო, 14 მარტი, საქინფორმი. სახელმწიფო უსაფრთხოების სამსახურის ინფორმაციით, გალში დე ფაქტო ხელისუფლების მიერ დაკავებული საქართველოს მოქალაქე გარდაიცვალა.

ევროკავშირის სადამკვირვებლო მისიის ფარგლებში მოქმედი ცხელი ხაზით დე ფაქტო აფხაზეთის წარმომადგენლების მხრიდან გაზიარებული ინფორმაციის თანახმად, ოკუპირებული გალის რაიონში ადგილი ჰქონდა ადგილობრივი მკვიდრის, საქართველოს მოქალაქის, 1990 წელს დაბადებული ირაკლი თამაზის ძე კვარაცხელიას თვითმკვლელობის ფაქტს. მოწოდებული ინფორმაციის თანახმად, ირაკლი კვარაცხელია დე ფაქტო ხელისუფლების მიერ იყო დაკავებული.

სახელმწიფო უსაფრთხოების სამსახურის მხრიდან მიმდინარეობს მის ხელთ არსებული ყველა ინსტრუმენტის საშუალებით აღნიშნული პირის გარდაცვალებასთან დაკავშირებული ობიექტური გარემოებების დადგენა. სახელმწიფო უსაფრთხოების სამსახური უსამძიმრებს გარდაცვლილის ოჯახს“, – აცხადებენ სახელმწიფო უსაფრთხოების სამსახურში.