საზოგადოება
ზურაბ აბაშიძემ პრაღაში გრიგორი კარასინთან რეგულარული შეხვედრების გაგრძელების მნიშვნელობა აღნიშნა

 საქართველო, 4 მარტი, საქინფორმი. პარლამენტში ჩემი მისვლის მიზანია, მაქსიმალურად მივაწოდო ინფორმაცია, როგორ მიმდინარეობს რუსეთთან დიალოგი, – ამის შესახებ რუსეთთან ურთიერთობის საკითხებში პრემიერის სპეციალურმა წარმომადგენელმა ზურაბ აბაშიძემ განაცხადა.

ზურაბ აბაშიძეს დღეს, 4 მარტს პარლამენტში ელოდებიან, სადაც საგარეო ურთიერთობათა კომიტეტის სხდომაზე გრიგორი კარასინთან შეხვედრის დეტალებსა და აგრეთვე იმ სავაჭრო ურთიერთობების დინამიკაზე ილაპარაკებს, რომელიც პრაღის ფორმატის დაწყების შემდეგ რუსეთ-საქართველოს შორის ჩამოყალიბდა.

მისი თქმით, საკანონმდებლო ორგანოში ილაპარაკებს ასევე საბაჟო მონიტორინგის შესახებ 2011 წლის შეთანხმებაზე და დეპუტატების რჩევებსაც მოისმენს.

თუ ვიღაცას წარმოუდგენია, რომ ჩვენ თუ რუსეთთან პირდაპირ კომუნიკაციას შევწყვეტთ, ამით რაღაც მოგვარდება და რუსეთი უკეთესად მოიქცევა, ძალიან ეშლება. ეს ასე არ იქნება. მე ვფიქრობ, რომ პირიქით იქნება, თუ ჩვენ ამას გავაკეთებთ. ამ ფორმატის შესახებ და იმ საკითხების თაობაზე, რასაც პრაღაში განვიხილავთ, მთლიანად არიან ინფორმირებული ჩვენი დასავლელი პარტნიორები. ძალიან ხშირად მოგვისმენია, რომ ისინი მხარს უჭერენ ამ კომუნიკაციას რუსეთის მხარესთან და ჩვენს მცდელობებს, შეძლებისდაგვარად მოვაგვაროთ პრობლემები, რომელთა მოგვარებაც შეიძლება. ვიცით ოპონენტების უარყოფითი დამოკიდებულების შესახებ, მაგრამ ჩვენ წინაშე არჩევანია, ან ჩვენს დასავლელ პარტნიორებს უნდა მივყვეთ, მათ რჩევებს ვუსმინოთ, ანოპონენტებს, რომლებსაც საკმაოდ ცუდი გამოცდილება აქვთ რუსეთთან ურთიერთობისა, როდესაც ისინი ხელისუფლებაში იმყოფებოდნენ“, – აღნიშნა აბაშიძემ.