უცხოეთი
დონალდ ტრამპმა გაერო-ში აშშ-ს ელჩის თანამდებობაზე კელი კრაფტის კანდიდატურა წარადგინა

 საქართველო, 25 თებერვალი, საქინფორმი. აშშ-ს პრეზიდენტმა დონალდ ტრამპმა გაერო-ში აშშ-ს ელჩის პოსტზე კელი კრაფტის კანდიდატურა წარადგინა.

„მოხარული ვარ გამოვაცხადო, რომ კელი კრაფტს, კანადაში ჩვენს ელჩს, წარვადგენ გაერო-ში აშშ-ს მუდმივი წარმომადგენელის თანამდებობაზე. კელიმ შესანიშნავი სამუშაო განახორციელა თავის ამჟამინდელ პოსტზე. ეჭვი არ მეპარება, რომ მისი ხელმძღვანელობით ჩვენი ქვეყანა გაერო-ში უმაღლეს დონეზე იქნება წარმოდგენილი“, - დაწერა აშშ-ს პრეზიდენტმა „ტვიტერის“ საკუთარ გვერდზე.

შეგახსენებთ, რომ გაერო-ში აშშ-ს ელჩი ნიკი ჰეილი 2018 წლის ოქტომბერში გადადგა თანამდებობიდან.

2018 წლის 7 დეკემბერს ტრამპმა განაცხადა, რომ ვაკანტურ პოსტზე აშშ-ს სახელმწიფო დეპარტამენტის ოფიციალურ წარმომადგენელს ჰიზერ ნაუერტს წარადგენდა, თუმცა გასულ კვირას ჰიზერ ნაუერტმა უარი განაცხადა ამ პოსტის დაკავებაზე ოჯახური მიზეზების გამო.

interpressnews.ge