უცხოეთი
ბენიამინ ნეთანიაჰუ - მივმართავ ირანს, გადით სირიიდან სწრაფად

 საქართველო, 16 იანვარი, საქინფორმი. მივმართავ ირანს, გადით სირიიდან სწრაფად, თავდაცვის ძალები ირანული სამიზნეების წინააღმდეგ თავდასხმებს გააგრძელებენ, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.

ნეთანიაჰუმ უარყო განცხადებები, რომ ირანი სირიაში მხოლოდ სამხედრო მრჩევლებს გზავნის. მან ირანელი მაღალჩინოსნები სიცრუეში დაადანაშაულა.

ისრაელის პრემიერ-მინისტრის განცხადებით, ქვეყანა მზადაა რამდენიმეფრონტიან ომში გამარჯვებისთვის.

ბენიამინ ნეთანიაჰუმ ისრაელის თავდაცვის ძალების გენერალური შტაბის ახალ ხელმძღვანელად, გენერალ-ლეიტენანტი ავივ კოჩავი დანიშნა. კოჩავმა აღნიშნა, რომ ისრაელის არმია თანამედროვე და ეფექტური იქნება.

ისრაელის სამხედრო-პოლიტიკური ელიტა უკვე ღიად აცხადებს, რომ სირიაში ირანული სამიზნეების წინააღმდეგ ოპერაცია თითქმის ყოველდღიურ რეჟიმში მიმდინარეობს.

1tv.ge