სამართალი
ცოტნე გამსახურდიას ახალი ბრალდებისთვის 5–წლიანი პატიმრობა მიესაჯა

cotneთბილისის საქალაქო სასამართლომ ცოტნე გამსახურდიას ახალი ბრალდებისთვის 5–წლიანი პატიმრობა მიუსაჯა.

გამოძიების ინფორმაციით, ცოტნე გამსახურდიამ, რომელიც მსჯავრდებულთა და პატიმართა სამკურნალო დაწესებულებაში იმყოფება, ამავე თანამშრომელს, ინფორმაციის გატანის სანაცვლოდ, 500 ლარის ოდენობის ქრთამი შესთავაზა.

საერთო ჯამში, პირველი პრეზიდენტის შვილი პატიმრობაში 13 წელი დარჩება. მას სასამართლომ მოქალაქის განზრახ მკვლელობის მცდელობისა და იარაღის უკანონოდ ტარებისთვის რამდენიმე თვის წინათ 8–წლიანი პატიმრობა მიუსაჯა.

პროცესს, პროტესტის ნიშნად, არ დასწრებია ცოტნე გამსახურდია. მისი ადვოკატი ქეთი ბექაური კი სასამართლოს გადაწყვეტილებას არ ეთანხმება და გასაჩივრებას სააპელაციო სასამართლოში აპირებს. გამოძიება გამსახურდიას კიდევ ერთ საქმეში ედავება; მას ბრალი ჯაშუშობის მუხლითაც აქვს წაყენებული და უახლოეს მომავალში მის მიმართ ახალი სასამართლო პროცესის დაწყებაა მოსალოდნელი.