უცხოეთი
პეტრო პოროშენკომ უკრაინაში საომარი მდგომარეობის შესახებ განკარგულებას ხელი მოაწერა

 საქართველო, 27 ნოემბერი, საქინფორმი. უკრაინის პრეზიდენტმა პეტრო პოროშენკომ ქვეყანაში საომარი მდგომარეობის შემოღების შესახებ განკარგულებას ხელი მოაწერა. რეჟიმი 26 ნოემბრის 15:00 საათიდან, 2019 წლის 25 იანვრის 15:00 საათამდე გაგრძელდება.

უკრაინის ეროვნული უსაფრთხოებისა და თავდაცვის დადგენილება 12 პუნქტს მოიცავს. აღსანიშნავია, რომ ბოლო პუნქტი გასაიდუმლოებულია.

პრეზიდენტის დადგენილება ახლა უმაღლესმა რადამ უნდა დაამტკიცოს, რომელიც საგანგებო სესიაზე დღეს შეიკრიბება.

რუსულმა ხომალდებმა უკრაინის კატარღებს ოდესის პორტიდან მარიუპოლის პორტში გადაადგილების დროს ცეცხლი გაუხსნეს. ინციდენტის შედეგად, უკრაინის ექვსი მოქალაქეა დაშავებული. უკრაინის პრეზიდენტის წარმომადგენლის ცნობით, რუს მესაზღვრეებს 20-ზე მეტი უკრაინელი სამხედრო ჰყავთ დაკავებული.

1tv.ge