სამართალი
საქართველო, 27 სექტემბერი, საქინფორმი. ვანო მერაბიშვილი პოლიტიკური დამნაშავეა და მისი შეწყალების წინააღმდეგი ვარ, – ამის შესახებ უმრავლესობის წარმომადგენელმა გია ჟორჟოლიანმა განაცხადა. ჟორჟოლიანის თქმით, მერაბიშვილთან ერთად პოლიტიკური პასუხისმგებლობა ყოფილი ხელისუფლების ბევრ მაღალჩინოსანს ეკისრება.
„ვანო მერაბიშვილი პოლიტიკური დამნაშავეა. მასთან ერთად, „ნაციონალური მოძრაობის“ ის წევრები, ვისაც სამართლებრივი და პოლიტიკური პასუხისმგებლობა ეკისრება.
პოლიტიკური პასუხისმგებლობა ძალიან ბევრ ადამიანს ეკისრება. რა თქმა უნდა, პირადად, ყოველგვარი შეწყალების წინააღმდეგი ვარ“, – განაცხადა გია ჟორჟოლიანმა.
ოპოზიციის წარმომადგენლებმა პრეზიდენტს ვანო მერაბიშვილის შეწყალების თხოვნით მიმართეს.