უცხოეთი
ერევნის მერი მსახიობი ჰაიკ მარუთიანი გახდება
საქართველო, 26 სექტემბერი, საქინფორმი. სომხეთის ცენტრალური სარჩევნო კომისიის წინასწარი მონაცემებით, ერევნის უხუცესთა საბჭოს (საქალაქო საბჭოს) არჩევნებში ბლოკმა „ჩემმა ნაბიჯმა“ გაიმარჯვა, რომელსაც მხარდაჭერა პრემიერ-მინისტრმა, ნიკოლ ფაშინიანმა გამოუცხადა.
ბლოკს მსახიობი და პროდიუსერი ჰაიკ მარუთიანი ხელმძღვანელობდა, შესაბამისად ის ერევნის მერის თანამდებობას დაიკავებს.
ბლოკ „ჩემს ნაბიჯს“ ამომრჩეველთა 81 პროცენტზე მეტმა დაუჭირა მხარი.
არჩევნებში მეორე ადგილზე პარტია „აყვავებული სომხეთი“ გავიდა, რომელმაც ხმების 6,95% მიიღო, მესამეზე კი, ალიანსი „სინათლე“ ხმების 4,99%-ით.
ამომრჩეველთა აქტივობამ 43,65% შეადგინა.
1tv.ge
