აქტუალური
2018 წლის მეორე კვარტალში ბიზნეს სექტორში დასაქმებულთა რაოდენობა 656 500-ს შეადგენდა, რაც 2017 წელთან შედარებით 25 ათასით მეტია
საქართველო, 4 სექტემბერი, საქინფორმი. საქსტატის მონაცემებით, 2018 წლის მეორე კვარტალში ბიზნეს სექტორში დასაქმებულთა საშუალო რაოდენობა 656,5 ათასს შეადგენდა, რაც წინა წელთან შედარებით 4%-ით, ანუ დაახლოებით 25 ათასით მეტია.
2018 წლის პირველ კვარტალთან შედარებით კი ზრდა 19,5 ათასს შეადგენს.
დასაქმებულთა მთლიანი რაოდენობიდან 41 პროცენტი ქალია, ხოლო 59 პროცენტი – კაცი. დასაქმებულთა 36,8 პროცენტი მსხვილ ბიზნესზე მოდის, 22 პროცენტი – საშუალოზე, ხოლო დარჩენილი 41,2 პროცენტი – მცირე ბიზნესზე.
2018 წლის მეორე კვარტალში დასაქმებულთა რაოდენობის მიხედვით, ბიზნეს სექტორში ვაჭრობის, დამამუშავებელი მრეწველობისა და მშენებლობის დარგები ლიდერობენ.
