საქართველო, 30 ივლისი, საქინფორმი. ტერორისტული ორგანიზაციის წევრობისა და ტერორიზმის მხარდაჭერის საქმეზე ბრალდებულებს მოსამართლის გადაწყვეტილებით სასჯელის სხვადასხვა ზომა განესაზღვრათ.

მოსამართლის გადაწყვეტილებით, რუსლან შავაძეს, რომელიც ამჟამად ძებნილია, 13 წელი მიესაჯა, ტერორისტული ორგანიზაციის წევრობისთვის შოაიპ ბორზიევს -13 წელი, რუსლან ალდამოვს ტერორისტული ორგანიზაციის წევრობის, იარაღის უკანონო ტარების, საზღვრის კვეთისთვის – 11 წელი; ანატოლი ბერძენიშვილს ტერორიზმის ხელშეწყობისთვის – 11 წელი, რამაზ მარგოშვილს ასევე ტერორიზმის ხელშეწყობისთვის – 12 წელი, იმავე ბრალდებისთვის ზურაბ იდოიძეს – 10 წელი.

ანტიტერორისტული ოპერაცია თბილისში, ბერი გაბრიელ სალოსის ქუჩაზე 2017 წლის 21-22 ნოემბერს ჩატარდა. ოფიციალური მონაცემებით, სპეცოპერაციის შედეგად ლიკვიდირებულ იქნა ახმედ ჩატაევის დაჯგუფების ორი წევრი, თავად ჩატაევმა თავი აიფეთქა. სპეცოპერაციის დროს დაიღუპა ერთი სპეცრაზმელი.