აქტუალური
ჯობს, მედიამ გადააჭარბოს, ვიდრე შეზღუდული იყოს! - ბიძინა ივანიშვილი
საქართველო, 26 ივლისი, საქინფორმი. ჯობს, მედიამ გადააჭარბოს, ვიდრე შეზღუდული იყოს, – ამის შესახებ პარტია „ქართული ოცნება - დემოკრატიული საქართველოს“ თავმჯდომარემ ბიძინა ივანიშვილმა პირველ არხზე, გადაცემაში „აქტუალური თემა მაკა ცინცაძესთან ერთად“ განაცხადა.
ამასთან, ქვეყანაში არსებულ ფონზე საუბრისას, პარტია „ქართული ოცნების“ თავმჯდომარემ აღნიშნა, რომ საქართველოს ეკონომიკა დემოკრატიის განვითარების სწრაფ ტემპს ვერ ეწევა.
„ამ ფონზე მედიაც ძალიან ხშირად აჭარბებს, მაგრამ კარგია თავისუფალი მედია, გადააჭარბოს სჯობს, ვიდრე შეზღუდული იყოს. ეკონომიკა კიდევ ვერ ასწრებს, დემოკრატიული ნაწილი ისე სწრაფად ვითარდება. მხედველობაში მაქვს, რომ დემოკრატიული ღირებულებები უფრო ადრე და სწრაფად იკიდებს ფეხს ქვეყანაში, ვიდრე მას ეწევა ეკონომიკა“, – განაცხადა, კერძოდ, ბიძინა ივანიშვილმა.
