გერმანული „დეჰოგა“ ქართული სასტუმროებისთვის მხოლოდ ტრენინგების ჩატარებით შემოიფარგლა. ავტორიტეტული ორგანიზაცია, რომელიც გერმანიაში სასტუმროებს ვარსკვლავებს ანიჭებს, თბილისში დამსაქმებელთა ასოციაციის მოწვევით გასული წლის ოქტომბერში ჩამოვიდა. მაშინ ითქვა, რომ კომპანია ქართულ სასტუმროებს ვარსკვლავებს მიანიჭებდა.

თუმცა დღეს დამსაქმებელთა ასოციაციაში აცხადებენ, რომ „დეჰოგა“ მხოლოდ ტრენინგების ჩასატარებლად ჩამოვიდა, რათა ქართულ კომპანიებს სტანდარტების ამაღლებაში დახმარებოდა. მათი განმარტებით, „დეჰოგა“ მიიჩნევს, რომ სასტუმროებისთვის ვარსკვლავის მინიჭება მხოლოდ ფართობისა და სხვა დეტალების მიხედვით ისე, როგორც დღეს ხდება, არასწორია და მომსახურების ხარისხზეც უნდა ვიზრუნოთ.