სამართალი
საქართველოს თავდაცვის მინისტრის მოადგილის სიმამრი ბრმა ტყვიას ემსხვერპლა

     საქართველო, 6 ივლისი, საქინფორმი. სამართალდამცველებმა განზრახ მკვლელობის ბრალდებით თბილისში 62 წლის .. დააკავეს, ნათქვამია საქართველოს შინაგან საქმეთა სამინისტროს პრესსამსახურის მიერ გავრცელებულ ინფორმაციაში.

შემთხვევა თბილისში, ვარკეთილში 2 ივლისს მოხდა. გამოძიების ინფორმაციით, ბრალდებულმა საკუთარი საცხოვრებელი სახლის ფანჯრიდან ნაგანის სისტემის ცეცხლსასროლი იარაღიდან ქუჩის მხარეს უმისამართოდ გაისროლა. გასროლის შედეგად მოპირდაპირე კორპუსში გულმკერდის არეში დაზიანება მიიღო 1953 წელს დაბადებულმა .-, რომელიც შემთხვევის ადგილზე გარდაიცვალა", — ნათქვამია განცხადებაში.

ტელეკომპანია „იმედის“ ინფორმაციით, გარდაცვლილი საქართველოს თავდაცვის მინისტრის მოადგილის გიორგი ბუთხუზის სიმამრია.

სამართალდამცველებმა დაკავებულის საცხოვრებელი სახლის ჩხრეკისას დანაშაულის იარაღი — ნაგანის სისტემის რევოლვერი, 14 ვაზნა და ამავე იარაღიდან გასროლილი ტყვიის მასრა ნივთმტკიცებად ამოიღეს.

გამოძიება განზრახ მკვლელობის ფაქტზე საქართველოს სსკ-ს 108-ე მუხლით მიმდინარეობს. აღნიშნული დანაშაული 7-დან 15 წლამდე ვადით თავისუფლების აღკვეთას ითვალისწინებს.