საზოგადოება
კასპში ჩასახლებული დევნილები დახმარებას ითხოვენ

deviniebi33კასპში, ყოფილი სასტუმროს შენობაში ჩასახლებული დევნილები დახმარებას ითხოვენ. ისინი აცხადებენ, რომ ბოლო წლების განმავლობაში ხელისუფლება მხოლოდ 2008 წელს იძულებით გადაადგილებულ მოსახლეობაზე ზრუნავს და აფხაზეთიდან დევნილები არავის ახსოვს.

დევნილები აცხადებენ, რომ მათ არც ბუნებრივი აირი აქვთ, არც სამუშაო ადგილები და იმ ფონზე, როდესაც ყველა სამომხმარებლო ნივთის ფასი ერთიორად გაძვირებულია, მათ საკვები პროდუქტების ყიდვაც კი უჭირთ. აფხაზეთიდან დევნილები ხელისუფლებისგან ყურადღებასა და სურსათით დახმარებას ითხოვენ.