"საქართველოს მეხორბლეთა ასოციაცია" მარტში პურის გაძვირების მორიგ ტალღას პროგნოზირებს.

როგორც "მეხორბლეთა ასოციაციის" თავმჯდომარე დავით გალიგაშვილი აცხადებს, თებერვლის განმავლობაში ფქვილზე ფასი არ მოიმატებს.

"თებერვალში ერთი ტომარა ფქვილის ფასი, დაახლოებით, 2 ლარით გაიზარდა, ამიტომ მიმდინარე თვეში მისი კიდევ გაძვირება მოსალოდნელი არაა, თუმცა მარტიდან ფქვილის გაძვირების ახალი ტალღაა მოსალოდნელი, რაც, შესაბამისად, პურის ფასზეც აისახება", - აცხადებს გალიგაშვილი და აღნიშნავს, რომ ფქვილის გაძვირების ტენდენცია აპრილშიც გაგრძელდება.

ცნობისთვის, დღეს 50 კგ-იანი ფქვილის ფასი - 50-52 ლარის, პურის ფასი კი 65-80 თეთრის ფარგლებში მერყეობს.