საზოგადოება
მოსახლეობამ აღშფოთება გამოთქვა, რომ სოფელი წნელისი სამხრეთ ოსეთის საზღვრებში არ მოხვდა - ცხინვალის რეჟიმის წარმომადგენელი

     საქართველო, 22 ივნისი, საქინფორმი. ცხინვალის რეგიონის დე ფაქტო პარლამენტში დე ფაქტო საზღვრის დელიმიტაციისა და დემარკაციის საკითხებზე სპეციალური ე.წ. კომისია ჩამოყალიბდა. კომისიაში სეპარატისტული რეჟიმის ფარგლებში არსებული სხვადასხვა პარტიის წევრები შევლენ.

როგორც ოკუპირებული ცხინვალის რეგიონის დე ფაქტო პარლამენტის ვიცე-სპიკერმა რუსლან თედეევმა აღნიშნა, ეს გადაწყვეტილება თავად მოსახლეობის მოთხოვნის საფუძველზე მიიღეს. მისი თქმით, მოსახლეობამ აღშფოთება გამოთქვა იმის გამო, რომ სოფელი წნელისი სამხრეთ ოსეთის საზღვრებში არ მოხვდა“.

ჩვენმა მოქალაქეებმა არაერთ ინსტანციას მიმართეს, თუმცა ამაოდ. ამიტომაც ჩვენ არსებული პრობლემის გადასაჭრელად სპეციალური კომისიის შექმნა გადავწყვიტეთ. როგორც ჩანს, საჭიროა, ჩვენი სახელმწიფო საზღვრის დელიმიტაცია მოხდეს“, – განაცხადა თედეევმა.

ცხინვალის რეგიონის დე ფაქტო პარლამენტის სპიკერმა პიოტრ გასიევმა კი განმარტა, რომ საზღვრის დელიმიტაციის და შესწავლა-აღნიშვნის პროცესი სასიცოცხლოდ მნიშვნელოვანია.

ჩვენ არ ვართ იმ მდგომარეობაში, რომ ჩვენი კუთვნილი მიწის ერთი მეტრიც კი ვინმეს დავუთმოთ“, – აღნიშნა გასიევმა.