პოლიტიკა
მადლობას ვუხდი პრეზიდენტ ტუსკს და ევროკავშირის წევრ ქვეყნებს საქართველოს განვითარების, ქვეყნის მიერ აღებული კურსისა და დემოკრატიული რეფორმების მხარდაჭერისთვის - პრემიერი კვირიკაშვილი
საქართველო, 16 აპრილი, საქინფორმი. „მინდა, მადლობა გადავუხადო პრეზიდენტ ტუსკს და ევროკავშირის წევრ ქვეყნებს საქართველოს განვითარების, ქვეყნის მიერ აღებული კურსისა და დემოკრატიული რეფორმების მხარდაჭერისთვის, რისი ნათელი გამოხატულებაც არის 45 მილიონი ევროს ოდენობის ფინანსური რესურსის გამოყოფა.
საქართველო შეუქცევადად განაგრძობს რეფორმებს ევროპული ინტეგრაციის გზაზე და ამ პროცესში ნამდვილად შეუფასებელია ჩვენი დასავლელი პარტნიორების ასეთი მკაფიო მხარდაჭერა“, - იუწყება მთავრობის ადმინისტრაციის პრესსამსახური.
როგორც საქინფორმი იუწყებოდა, ევროკავშირის საბჭომ მაკროფინანსური დახმარების სახით საქართველოსთვის 45 მილიონი ევროს გამოყოფის გადაწყვეტილება მიიღო.
