საქართველო, 3 აპრილი, საქინფორმი. ბრიტანულმა ტაბლოიდმა The Sun გამოაქვეყნა ვიდეოჩანაწერი, რომელზეც დიდი ბრიტანეთის დედოფალი ელისაბედ მეორე „ნაცისტური მისალმებით“ ხელს მაღლა სწევს.
შავ-თეთრი ვიდეორგოლი, რომლის ხანგრძლივობა დაახლოებით 17 წამია, სავარაუდოდ, 1933 წელს არის გადაღებული ინგლისის მეფეთა რეზიდენციაში შოტლანდიურ ციხესიმაგრე ბალმორალში.
ვიდეოზე ნაჩვენებია, რომ დაახლოებით 7 წლის ელისაბედ მეორე ციხესიმაგრის მდელობზე იმყოფება დედასთან - ელისაბედ ბოუზ-ლაიონთან, ბიძასთან - პრინც ედუარდთან (რომელიც შემდგომში მეფე ედუარდ VIII გახდა) და დასთან - პრინცესა მარგარეტთან ერთად.
„ჰიტლერი შეპყრობილი იყო სამეფო ოჯახით. ედუარდი არა მხოლოდ ინგლისის, არამედ ევროპის მეფე უნდა გამხდარიყო. ედუარდ VIII იყო გერმანელი პრინცი და გერმანელი მეფე გერმანიიდან. მისმა ბიძაშვილმა პრინცმა ბერნარდმა - ნიდერლანდების დედოფლის მეუღლემ - ბილდერბერგის კლუბი დააარსა... ევროკავშირი (რომლისკენაც დღეს საქართველო ისწრაფვის - საქინფორმი) - ნაცისტების პროექტია, NASA - ნაცისტების დაარსებულია, ოჯახის დაგეგმვის ამერიკული ფედერაცია - ნაცისტების დაარსებულია“, - კომენტარს აკეთებს წამყვანი.
აი, იმ ქვეყნის ისტორიის ფურცელი, რომელიც დღეს საქართველოს მოკავშირე და პარტნიორია! აი, ჭეშმარიტი სახე დიდი ბრიტანეთის ისტებლიშმენტისა, რომლის მიმართ სოლიდარობის ნიშნად საქართველომ გასულ კვირას რუსი დიპლომატი გააძევა!

საქინფორმი