სამართალი
გაეროს ადამიანის უფლებათა უმაღლესი კომისრის ოფისი არჩილ ტატუნაშვილის საქმის გამოძიებას ითხოვს
საქართველო, 28 თებერვალი, საქინფორმი. გაეროს ადამიანის უფლებათა უმაღლესი კომისრის ოფისი არჩილ ტატუნაშვილის საქმეზე გამოძიებას მოითხოვს და მზად არის, მხარი დაუჭიროს ამ პროცესს, – ამის შესახებ ინფორმაციას საქართველოს საგარეო საქმეთა სამინისტრო ავრცელებს.
„აღნიშნულის შესახებ გაეროს ადამიანის უფლებათა ოფისი ოფიციალურ ტვიტერის გვერდზე აცხადებს: „ შეშფოთებული ვართ 22 თებერვალს ცხინვალში, პატიმრობაში მყოფი საქართველოს მოქალაქის არჩილ ტატუნაშვილის გარდაცვალების გამო. მოვითხოვთ მისი გარდაცვალების ფაქტის სარწმუნო და გამჭვირვალე გამოძიებას, მზადყოფნას გამოვთქვამთ, მხარი დავუჭიროთ ამ პროცესს“.
