საზოგადოება
ცხინვალი არჩილ ტეტუნაშვილის ცხედარს მხოლოდ რუსი ექსპერტების მიერ დათვალიერების შემდეგ გადმოგვცემს
საქართველო, 27 თებერვალი, საქინფორმი. ერგნეთში ინციდენტების პრევენციისა და მათზე რეაგირების მექანიზმის ჯგუფის რიგგარეშე შეხვედრა უშედეგოდ დასრულდა – ცხინვალმა არჩილ ტეტუნაშვილის ცხედრის გადმოცემაზე უარი თქვა. უარის მიზეზად კი მურად ჯიოევმა რუსეთის ფედერაციიდან ექსპერტების ჩართვა დაასახელა და განაცხადა, რომ ცხედარს ოჯახს რამდენიმე დღეში, ცხედრის ექსპერტიზის დასკვნის მიღების შემდეგ გადასცემენ.
ერგნეთში ინციდენტების პრევენციისა და მათზე რეაგირების მექანიზმის ჯგუფის რიგგარეშე შეხვედრა სახელმწიფო უსაფრთხოების სამსახურის მოთხოვნით დაინიშნა. შეხვედრაზე ცხინვალში გარდაცვლილი არჩილ ტატუნაშვილის ცხედრის გადმოსვენებისა და დაკავებულების – ლევან ქუტაშვილის და იოსებ პავლიაშვილის ცენტრალური ხელისუფლების მიერ კონტროლირებად ტერიტორიაზე უმოკლეს ვადაში გადმოსვლის საკითხები განიხილეს.
