საზოგადოება
2017 წლის კორუფციის აღქმის ინდექსით, საქართველო 46-ე ადგილს იკავებს - Transparency International
საქართველო, 23 თებერვალი, საქინფორმი. საქართველო 2 პოზიციით ჩამოქვეითდა და მსოფლიოში 46-ე ადგილზეა. ქვეყნის მაჩვენებელი ერთი ქულითაა გაუარესებული და 57 ქულას შეადგენს.
საქართველო 46-ე ადგილს მალტასთან ერთად ინაწილებს და წინა წლის მსგავსად, კვლავ ლიდერია აღმოსავლეთ ევროპის (ევროკავშირის ქვეყნების გამოკლებით) და ცენტრალური აზიის ქვეყნებში.
რეიტინგის სათავეში არიან ახალი ზელანდია (89 ქულა), დანია (88 ქულა) და ფინეთი (85 ქულა), ყველაზე ცუდი ვითარებაა სირიაში (14 ქულა), სამხრეთ სუდანსა (12 ქულა) და სომალიში (9 ქულა).
კორუფციის აღქმის ინდექსი, რომელსაც „საერთაშორისო გამჭვირვალობის“ სამდივნო 1995 წლიდან ყოველწლიურად აქვეყნებს, ემყარება ექსპერტების მოსაზრებებს საჯარო სექტორში კორუფციის დონის შესახებ.
